“İnsan alverinə qarşı mübarizə” mövzusunda vebinar keçirilib
Dekabrın 21-də
"Qazax Gənclər evi” sosial xidmət müəssisəsi tərəfindən "İnsan alverinə qarşı
mübarizə” mövzusunda vebinar keçirilib. "Qazax Gənclər evi” sosial xidmət müəssisəsinin
direktoru Vüsal Hüseynov giriş sözü ilə çıxış edərək insan alverinə qarşı
mübarizə istiqamətində aparılan maarifləndirmə və profilaktik tədbirlərin
vacibliyindən söz açıb. Qazax Rayon Polis Şöbəsinin cinayət-axtarış bölməsinin
əməliyyat müvəkkili Fərid Əliyev çıxış edərək insan alverinin qurbanına
çevrilmiş insanları gözləyən təhlükədən, yetkinlik yaşına çatmamış uşaqların
istifadə edilməsindən və insan alverinə qarşı həyata keçirilən cinayət-hüquqi və
digər təmin edilən müdafiə tədbirlərindən danışıb. Gəncləri məlumatlandıraraq bu
cür hadisələrlə qarşılaşdıqda müvafiq hüquq-mühafizə orqanlarına müraciət etmələrini
tövsiyə edib. Hər bir vətəndaşı insan alverinin qurbanına çevrilməmək üçün diqqətli
olmağa və bu sahədə aparılan mübarizədə həmrəylik göstərməyə çağırıb. Qazax Gənclər Evinin
psixoloqu Fatma Rəhimova isə insan alverinin qurbanı olan şəxslərin yenidən
sosial həyata adaptasiyasından, gənclərdə yaranan psixoloji travmalardan
danışıb. 26 nəfərin iştirak
etdiyi vebinarda sonda gəncləri maraqlandıran suallar ətraflı şəkildə
cavablandırılıb.
GOYEZEN.AZ
Facebook-da paylaş