Qazaxda “Psixoloji motivasiya” başlığı altında videoformat şəklində təlim keçirilib
Bu gün Qazax
Rayon Gənclər və İdman İdarəsinin təşkilatçılığı ilə COVID-19 pandemiyasının vurduğu psixoloji zərərlərin aradan
qaldırılması məqsədilə gənclər üçün "Psixoloji motivasiya” başlığı altında videoformat şəklindətəlim keçirilib. Ümumilikdə 36 nəfərin iştirak etdiyi təlimdə
əvvəlcə mənfur düşmənimiz olan ermənilərin Tovuz rayonu istiqamətində
törətdikləri təxribatlar nəticəsində qəhrəmancasına şəhid olmuş hərbçilərimizin
əziz xatirəsi bir dəqiqəlik sükutla yad edilib. Ölkə başçısının da söylədiyi kimi, son döyüşdə düşmənə layiqli cavablarının
verildiyi, Vətən torpaqlarının ərazi
bütövlüyü uğrunda canından keçən hərbçilərimizin qanının yerdə qalmadığı,
qisasının alındığı vurğulanıb. Bu gün Respublika Prezidenti, Ali Baş Komandan
İlham Əliyevin ətrafında sıx birləşərək onun "İrəli” əmrini gözləyən güclü,
qüdrətli Azərbaycan Ordusunun olduğu və həmin ordunun zəfər çalacağı tarixi
günün elə də uzaqda olmadığı qeyd olunub. Qazax Rayon
Gənclər və İdman İdarəsinin rəisi Vüqar Nəbiyev çıxış edərək keçirilən təlimin
məqsəd və əhəmiyyətindən danışıb. Həmçinin gəncləri sosial şəbəkələrdə yayılmış
yalan məlumatlara inanmamağa, dövlətimiz və rəhbərliyimiz ətrafında sıx
birləşməyə çağırıb. Qazax
"Gənclər evi” sosial xidmət müəssisəsinin könüllüsü, gənc psixoloq Fatma
Rəhimova COVID-19 pandemiyasının vurduğu
psixoloji zərərlər haqqında gənclərə ətraflı məlumat verərək xüsusi karantin
dövründə vaxtlarını düzgün və səmərəli şəkildə keçirməyi tövsiyə edib. Sonda gəncləri
maraqlandıran sualları cavablandırıb.
GOYEZEN.AZ
Facebook-da paylaş