“Gəlin, qaydalara əməl edək, sağlamlığımızı qoruyaq!”
Qazax Gənclərin İnkişaf və Karyera Mərkəzinin
"Gənc Könüllülər”i mütəmadi
olaraq məhz bu çağırış altında əhalinin kütləvilik
təşkil etdiyi müxtəlif məkanlarda vətəndaşları özlərini və doğmalarını koronavirus
(COVID-19) pandemiyasından qorumağa çağırırlar. Ölkə Prezidenti cənab İlham Əliyevin və
Birinci vitse-prezident Mehriban xanım Əliyevanın "Bir-birimizi
qoruyaq” çağırışlarına əsasən Azərbaycan
Könüllülərinin Əlaqələndirmə Mərkəzinin (AKƏM) həmin ad
altında start verdiyi kampaniyada fəal iştirak edərək bu aksiyanı Qazaxda
uğurla həyata keçirirlər. "Gənc
Könüllülər” bu dəfə ictimai
iaşə obyektlərində, bərbərxanalarda, oyun salonlarında, tədris mərkəzlərində
koronavirusdan qorunmaq məqsədilə hazırlanan üzərində "Bir-birimizi qoruyaq”, "Sağlamlıq məsafəsi saxlayın”, "Məsafə saxla”, "Nümunəvi obyekt” təbliğat və təşviqat
yazıları əks olunmuş stikerlər yapışdırıb, məlumatlandırıcı flayerlər
paylayıblar. Azərbaycanda fəaliyyət göstərən könüllülər təşkilatları
və hərəkatları tərəfindən yaradılmış AKƏM-nin həyata keçirdiyi aksiyanın əsas məqsədi xüsusi karantin rejimi dövründə vətəndaşların kütləvi
toplaşdığı yerlərdə sosial məsafənin qorunması və digər davranış qaydaları
barədə sakinlər arasında ictimai maarifləndirmə aparmaq, cəmiyyətin
sağlamlığını qorumaqdır.
GOYEZEN.AZ
Facebook-da paylaş