Qazaxlı "Gənc Könüllülər”dən vətəndaşlara növbəti çağırış
Ölkə Prezidenti cənab İlham Əliyevin və
Birinci vitse-prezident Mehriban xanım Əliyevanın "Bir-birimizi
qoruyaq” çağırışlarını əldə rəhbər tutan Azərbaycan Könüllülərinin Əlaqələndirmə Mərkəzinin (AKƏM) həmin ad
altında start verdiyi kampaniya Qazaxda da uğurla həyata keçirilir. Həmin aksiyada fəal iştirak edən Qazax Gənclərin
İnkişaf və Karyera Mərkəzinin "Gənc Könüllülər”i əhalinin çox
olduğu müxtəlif məkanlarda - ictimai iaşə
obyektlərində, dayanacaqlarda koronavirusdan qorunmaq məqsədilə hazırlanan üzərində "Burada
qaydalara riayət olunur”, "Bir-birimizi qoruyaq”, "Aralı
əyləşin, sağlam olun” təbliğat və təşviqat yazıları əks olunmuş
stikerlər yapışdırıb, məlumatlandırıcı flayerlər paylayıblar. "Gənc Könüllülər” "Gəlin,
qaydalara əməl edək, sağlamlığımızı qoruyaq!” devizi altında vətəndaşlara
növbəti çağırış ediblər. Qeyd edək ki, Azərbaycanda fəaliyyət göstərən
könüllülər təşkilatları və hərəkatları tərəfindən yaradılmış AKƏM-nin həyata
keçirdiyi aksiyanın əsas məqsədi karantin rejiminin yumşaldılması ilə əlaqədar
vətəndaşların kütləvi toplaşdığı yerlərdə sosial məsafənin qorunması və digər
davranış qaydaları barədə sakinlər arasında ictimai maarifləndirmə aparmaq,
cəmiyyətin sağlamlığını qorumaqdır. GOYEZEN.AZ
Facebook-da paylaş