Qazaxda “Yol hərəkəti qaydaları uşaqların gözü ilə” adlı növbəti maarifləndirici tədbir keçirilib
Aprelin
6-da Qazaxda ölkə Prezidenti cənab İlham Əliyevin "Azərbaycan Respublikasında
yol hərəkətinin təhlükəsizliyinə dair 2019–2023-cü illər üçün Dövlət
Proqramı”nın təsdiq edilməsi haqqında 27 dekabr 2018-ci il tarixli 852 nömrəli Sərəncamına
və Azərbaycan Respublikası Təhsil Nazirliyinin F-51 nömrəli Əmrinə əsasən "Yol
hərəkəti qaydaları uşaqların gözü ilə” adlı növbəti maarifləndirici tədbir
keçirilib. Qazax
Rayon Uşaq-Gənclər İnkişaf Mərkəzinin və Qazax Rayon Polis Şöbəsinin Dövlət Yol
Polisi Bölməsinin birgə təşkilatçılığı ilə keçirilən tədbirin əsas məqsədi ictimai nəqliyyat vasitələrinin
sürücülərini daha məsuliyyətli və cəmiyyətə qarşı daha qayğıkeş olmağa
səsləmək, piyadaların və sərnişinlərin yol hərəkəti təhlükəsizliyi qaydaları
ilə bağlı məlumatlılıq səviyyəsini yüksəltmək, piyadaları özlərinin və
başqalarının təhlükəsizliyi naminə daha məsuliyyətli olmağa çağırmaq, ictimai
nəqliyyatdan istifadə edən sərnişinlərə öz ictimai və vətəndaş öhdəlikləri və
hüquqları haqqında məlumat vermək, orta məktəblərdə təhsil alan uşaq və
yeniyetmələrin yol hərəkəti təhlükəsizliyi qaydaları ilə bağlı məlumatlılığını
artırmaq olub. Şəhərin Heydər Əliyev prospekti
ilə H.Z.Tağıyev küçəsinin kəsişdiyi işıqforda baş tutan tədbirdə ictimai
nəqliyyatdan istifadə edən sərnişinlərə, fərdi avtomobil və taksi sürücülərinə,
eləcə də digər yol hərəkəti iştirakçılarına yol hərəkəti təhlükəsizliyi və
ictimai nəqliyyatdan istifadə qaydaları ilə bağlı zəruri məlumatlar çatdırılıb,
onlara yol hərəkəti zamanı davranış qaydaları əyani şəkildə izah edilib. Dərnək
üzvləri şeirlər söyləyib, yol hərəkəti təhlükəsizliyi haqqında biliklərini
nümayiş etdiriblər.
Sonda Mərkəzin
direktoru G.Rəhimova tədbirin ərsəyə gəlməsində əməyi keçən insanlara və
məktəblilərə minnətdarlığını bildirib. Məlumat
üçün onu da qeyd edək ki, "Azərbaycan
Respublikasında yol hərəkətinin təhlükəsizliyinə dair 2019–2023-cü illər üçün
Dövlət Proqramı” Azərbaycan Respublikasında yol hərəkətinin təhlükəsizliyi
səviyyəsinin artırılması vasitəsilə yol-nəqliyyat hadisələrinin sayının və bu
hadisələr nəticəsində ölkəyə dəyən sosial-iqtisadi zərərin azaldılması
istiqamətində tədbirləri özündə ehtiva edir. Dövlət Proqramı Azərbaycan
Respublikası Konstitusiyasının, Azərbaycan Respublikasının tərəfdar çıxdığı
beynəlxalq hüquqi aktların və Azərbaycan Respublikasının qüvvədə olan digər
normativ hüquqi aktlarının tələbləri nəzərə alınmaqla hazırlanıb.
GOYEZEN.AZ
Tədbirdə Rayon Polis Şöbəsinin
Dövlət Yol Polisi Bölməsinin əməkdaşları, Qazax Rayon
Uşaq-Gənclər İnkişaf Mərkəzinin direktoru Gövhər Rəhimova, 50 nəfər dərnək
rəhbəri və 200 nəfərdən artıq dərnək üzvü olan məktəblilər iştirak ediblər.
Mərkəzin direktoru
Gövhər Rəhimova keçirilən tədbirin məqsəd və əhəmiyyətini qeyd edərək Qazax
UGİM olaraq hər zaman maarifləndirici tədbirlərə üstünlük verdiklərini, dərnək
üzvlərinin bu cür tədbirlərdə fəallıq nümayiş etdirdiklərini qeyd edib. Vətəndaşların, eləcə də orta məktəblərdə təhsil alan şagirdlərin
yol hərəkəti təhlükəsizliyi qaydaları haqqında maarifləndirilməsi baxımından belə
tədbirlərin böyük əhəmiyyət daşıdığını bildirib. Bu cür tədbirlərin təşkilində
hər zaman dəstək olmağa hazır olduqlarını vurğulayıb.
Facebook-da paylaş