Qazax Rayon Uşaq-Gənclər İnkişaf Mərkəzinin dərnək üzvlərindən ibarət komanda Respublika üzrə keçirilən “Yolunuzu bizdən salın!” adlı onlayn yarışın qalibi olub
Mayın 18-də
1 nömrəli Uşaq-Gənclər İnkişaf Mərkəzinin təşkilatçılığı ilə "Yol hərəkətinin təhlükəsizliyinə
dair 2019-2023-cü illər üçün Dövlət Proqramı”na uyğun olaraq "Yolunuzu bizdən
salın!” mövzusunda Respublika üzrə növbəti onlayn yarış keçirilib. Qazax,
Ağstafa, Tovuz, Şəmkir, Gədəbəy, Balakən, Ağdaş, Göyçay, Lerik Rayon Uşaq-Gənclər
İnkişaf Mərkəzlərlərinin dərnək üzvləri arasında keçirilən yarışın məqsədi respublikamızın
müxtəlif bölgələrində təhsil alan şagirdlərin yol hərəkəti qaydaları haqqında
bilik səviyyələrini yoxlamaq, onların bu sahəyə marağını artırmaq olub. Yarışda Daxili
İşlər Nazirliyinin Baş Dövlət Yol Polisi İdarəsinin (DYPİ) inspektoru, polis
baş leytenantı Toğrul Nəsirli, Bakı şəhər DYPİ-nin əməkdaşı, polis baş leytenantı
Pərvanə Muradova, Qazax Rayon Polis Şöbəsinin DYP Bölməsinin rəisi, polis baş
leytenantı Vüqar Məmmədov, Ağstafa Rayon Polis Şöbəsinin DYP Bölməsinin baş
inspektoru, polis leytenantı Elvin Aydınov, Göyçay Rayon Polis Şöbəsinin DYP
Bölməsinin polis baş leytenantı Mirxəyal Hüseynov, Balakən Rayon Polis Şöbəsinin
DYP Bölməsinin baş inspektoru, polis baş leytenantı İlkin Hümbətov, Ağdaş Rayon
Polis Şöbəsinin DYP Bölməsinin inspektoru, polis kapitanı Etibar Vəliyev, Tovuz
Rayon Polis Şöbəsinin DYP Bölməsinin əməkdaşı, polis kapitanı Anar Vəliyev,
Gədəbəy Rayon Polis Şöbəsinin DYP Bölməsinin baş inspektoru, polis baş leytenantı
Ramin Məmmədov, Şəmkir Rayon Polis Şöbəsinin DYP Bölməsinin əməkdaşı, polis kapitanı
Müseyib Məmmədov, Lerik Rayon Polis Şöbəsinin DYP Bölməsinin əməkdaşı, polis
kapitanı Tahir Quliyev, Bakı şəhər 1 nömrəli Uşaq-Gənclər İnkişaf Mərkəzinin və
rayon Uşaq-Gənclər İnkişaf Mərkəzlərinin əməkdaşları, valideynlər iştirak ediblər. Baş Dövlət
Yol Polisi İdarəsinin inspektoru, polis baş leytenantı Toğrul Nəsirlinin, Bakı
şəhər Dövlət Yol Polisi İdarəsinin əməkdaşı, polis baş leytenantı Pərvanə
Muradovanın, 1 nömrəli Uşaq-Gənclər İnkişaf Mərkəzinin şöbə müdiri Fəridə
Süleymanovanın münsiflər heyəti olduğu onlayn yarışda Qazax Rayon Uşaq-Gənclər
İnkişaf Mərkəzinin dərnək üzvləri əsl bilik nümayiş etdiriblər. Verilmiş sualları
dolğun və ətraflı cavablandıran Mərkəzin dərnək üzvləri yarış iştirakçılarından
fərqləniblər. Yarışın nəticəsinə görə Qazaxın "Göyəzən” komandası I yerə layiq
görülüb. Biz də öz
növbəmizdə Qazax Rayon Uşaq-Gənclər İnkişaf Mərkəzinin kollektivini və dərnək
üzvlərindən ibarət komandanı qalibiyyətləri münasibətilə təbrik edir, gələcək
fəaliyyətlərində uğurlar arzulayırıq.
GOYEZEN.AZ
Facebook-da paylaş