Qazaxda “Yol hərəkəti qaydaları uşaqların gözü ilə” adlı maarifləndirici tədbir keçirilib
Bu gün Qazaxda ölkə Prezidenti cənab İlham Əliyevin
"Azərbaycan Respublikasında yol hərəkətinin təhlükəsizliyinə dair 2019–2023-cü
illər üçün Dövlət Proqramı”nın təsdiq edilməsi haqqında sərəncamına və
Azərbaycan Respublikası Təhsil Nazirliyinin F-51 nömrəli əmrinə əsasən "Yol
hərəkəti qaydaları uşaqların gözü ilə” adlı maarifləndirici tədbir keçirilib. Qazax Uşaq-Gənclər İnkişaf Mərkəzinin və Qazax Rayon Polis şöbəsinin
Dövlət Yol Polisi bölməsinin birgə təşkilatçılığı ilə
keçirilən tədbirin əsas məqsədi ictimai
nəqliyyat vasitələrinin sürücülərini daha məsuliyyətli və cəmiyyətə qarşı daha
qayğıkeş olmağa səsləmək, piyadaların və sərnişinlərin yol hərəkəti
təhlükəsizliyi qaydaları ilə bağlı məlumatlılıq səviyyəsini yüksəltmək,
piyadaları özlərinin və başqalarının təhlükəsizliyi məqsədilə daha məsuliyyətli
olmağa çağırmaq, ictimai nəqliyyatdan istifadə edən sərnişinlərə öz ictimai və
vətəndaş öhdəlikləri və hüquqları haqqında məlumat vermək, orta məktəblərdə
təhsil alan uşaq və yeniyetmələrin yol hərəkəti təhlükəsizliyi qaydaları ilə
bağlı məlumatlılığını artırmaq olub. Şəhərin Heydər Əliyev prospekti ilə H.Z.Tağıyev küçəsinin kəsişdiyi
işıqforda baş tutan tədbirdə ictimai nəqliyyatdan istifadə edən sərnişinlərə, fərdi
avtomobil və taksi sürücülərinə, eləcə də digər yol hərəkəti iştirakçılarına
yol hərəkəti təhlükəsizliyi və ictimai nəqliyyatdan istifadə qaydaları ilə
bağlı zəruri məlumatlar çatdırılıb, onlara yol hərəkəti zamanı davranış
qaydaları əyani şəkildə izah edilib. Dərnək üzvləri şeirlər söyləyib, yol
hərəkəti təhlükəsizliyi haqqında biliklərini nümayiş etdiriblər. Sonda Mərkəzin direktoru G.Rəhimova tədbirin ərsəyə gəlməsində
əməyi keçən insanlara və məktəblilərə minnətdarlığını bildirib. Mərkəzin dərnək üzvlərinin
hazırladıqları əl işini - Azərbaycan xəritəsini Rayon Polis şöbəsinin Dövlət Yol Polisi bölməsinin rəisi Vüqar Məmmədova hədiyyə edib. Məlumat üçün onu da qeyd edək ki, "Azərbaycan Respublikasında yol hərəkətinin təhlükəsizliyinə
dair 2019 – 2023-cü illər üçün Dövlət Proqramı” Azərbaycan Respublikasında yol
hərəkətinin təhlükəsizliyi səviyyəsinin artırılması vasitəsilə yol-nəqliyyat
hadisələrinin sayının və bu hadisələr nəticəsində ölkəyə dəyən sosial-iqtisadi
zərərin azaldılması istiqamətində tədbirləri özündə ehtiva edir. Dövlət
Proqramı Azərbaycan Respublikası Konstitusiyasının, Azərbaycan Respublikasının
tərəfdar çıxdığı beynəlxalq hüquqi aktların və Azərbaycan Respublikasının
qüvvədə olan digər normativ hüquqi aktlarının tələbləri nəzərə alınmaqla
hazırlanıb.
GOYEZEN.AZTədbirdə Qazax Rayon
İcra Hakimiyyətində İctimai-siyasi və humanitar məsələlər şöbəsində
baş məsləhətçi Gülnar Quluyeva, Rayon
Polis şöbəsinin Dövlət Yol Polisi bölməsinin rəisi, baş leytenant Vüqar
Məmmədov, bölmənin təbliğat və təşviqat üzrə inspektoru, polis kapitanı Elxan
Əhmədov və digər əməkdaşları, Qazax Uşaq-Gənclər
İnkişaf Mərkəzinin direktoru Gövhər Rəhimova, 35 nəfər dərnək rəhbəri və 180
nəfərdən artıq dərnək üzvü olan məktəblilər, valideynlər iştirak edib.
Mərkəzin direktoru Gövhər
Rəhimova çıxış edərək keçirilən tədbirin məqsəd və əhəmiyyətindən danışıb.
Qazax UGİM olaraq hər zaman maarifləndirici tədbirlərə üstünlük verdiklərini,
dərnək üzvlərinin bu cür tədbirlərdə fəallıq nümayiş etdirdiklərini qeyd edib.
Rayon Polis şöbəsinin Dövlət Yol
Polisi bölməsinin rəisi, baş leytenant Vüqar Məmmədov da vətəndaşların, eləcə də orta məktəblərdə
təhsil alan uşaq və yeniyetmələrin yol hərəkəti təhlükəsizliyi qaydaları haqqında
maarifləndirilməsi baxımından belə tədbirlərin böyük əhəmiyyət daşıdığını
bildirib. İstər Qazax UGİM, istərsə də digər müəssisələr tərəfindən keçirilən
bu cür tədbirləri yüksək qiymətləndirib. Bu cür tədbirlərin təşkilində hər
zaman dəstək olmağa hazır olduqlarını vurğulayıb.
Facebook-da paylaş