BDU-nun Qazax filialında yay imtahan sessiyası uğurla başa çatıb
Bakı Dövlət Universitetinin Qazax
filialında 2020-2021-ci tədris ilinin iyunun 7-dən başlayan yaz
semestrinin yay imtahan sessiyası uğurla başa çatıb. 2 iyul 2021-ci il tarixinə
qədər davam edən imtahanlar gün ərzində 2 növbədə olmaqla onlayn qaydada
keçirilib. Sessiyada tələbələr bakalavr
səviyyəsi üzrə 338, magistratura pilləsi üzrə isə 27 imtahan veriblər. Bakalavr səviyyəsi üzrə 59 qrupda 1138, magistratura pilləsi üzrə 11
tələbənin iştirakı nəzərdə tutulan imtahanlarda tələbələrin 99,1 faizi iştirak
edib. Müvəffəqiyyət göstəricisi 99,5 faiz olan tələbələr yüksək bilik nümayiş
etdiriblər. Yay sessiyasının təşkili və
həyata keçirilməsi ilə bağlı filialda İmtahan Qərargahı və Qaynar xətt
fəaliyyət göstərib. Sessiya ərzində Qərargaha daxil olan azsaylı müraciətlər
operativ şəkildə araşdırılaraq həll olunub. Qazax Rayon İcra
Hakimiyyətinin başçısı Rəcəb Babaşovun diqqət və qayğısı sayəsində filial
fasiləsiz olaraq elektrik enerjisi və yüksək səviyyəli internetlə təmin olunub,
imtahanların gedişatında bununla əlaqədar heç bir problem yaranmayıb. Hər il
olduğu kimi, bu tədris ilində də yay imtahan sessiyası yüksək səviyyədə və
uğurla başa çatıb.
Facebook-da paylaş