“Dini radikalizmə qarşı mübarizədə gənclərin rolu” və “Vətəni sevmək-imandandır” mövzularında dini-maarifləndirici tədbirlər keçirilib
Qazax Rayon İcra Hakimiyyətinin
Tədbirlər Planına uyğun olaraq həftə ərzində rayonun ümumtəhsil məktəblərində
keçirilən maarifləndirici tədbirlər davam edib. Qazax şəhər 1,2,3,4,5 saylı, məktəb–lisey,Yuxarı Əskipara kənd tam orta məktəblərində və şəhər ümumi orta məktəbdə "Dini
radikalizmə qarşı mübarizədə gənclərin rolu” və "Vətəni sevmək-imandandır”
mövzularında dini-maarifləndirici tədbirlər həyata keçirilib. Bununla da
oktyabr ayının 1-dən start verilmiş tədbirlər başa çatıb. Keçirilmiş tədbirlərdə
rayon İcra Hakimiyyətinin, hüquq-mühafizə orqanlarının, Təhsil şöbəsinin, Gənclər
və İdman İdarəsinin, Qafqaz Müsəlmanları İdarəsinin nümayəndələri, məktəb
direktorları, müəllimlər, məktəb psixoloqları və şagirdlər iştirak ediblər. Tədbiri giriş sözü ilə RİHB aparatında
ictimai–siyasi və humanitar məsələlər şöbəsinin müdir müavini–dini qurumlarla
işin təşkilatçısı Məhəmməd Orucov açaraq radikal dini cərəyanlar, dövlət-din
münasibətlərinin düzgün tənzimlənməsi sahəsində ölkəmizdə, eləcə də rayonumuzda
görülmüş işlər və həyata keçirilmiş tədbirlər haqqında iştirakçılara ətraflı məlumat
verib.
Mövzu ətrafında rayon
prokurorunun köməkçisi Tərlan Kərimov, DTX-nin Qazax rayonu üzrə şöbəsinin baş əməliyyat
müvəkkili Vüsal Rəhimov, Gənclər və İdman İdarəsinin rəisi Vüqar Nəbiyev, Polis
şöbəsinin ictimai təhlükəsizlik bölməsinin inspektoru Ramil Sadıqov, RTŞ-nin
aparıcı məsləhətçisi Donara Həsənova, Qazax Cümə məscidinin imamı İlham
Süleymanov, Dini Qurumlarla iş üzrə Dövlət Komitəsinin Qazax rayonu üzrə nümayəndəsi
Ceyhun Rüstəmov, şəhər 1 saylı tam orta məktəbin direktoru Bəsdi Ələkbərova, 2
nömrəli tam orta məktəbin direktoru Murğuz Mustafayev, 3 saylı tam orta məktəbin
direktoru Nailə Əfəndiyeva, 4 saylı tam orta məktəbin direktoru Məhəmməd Aşurov,
5 saylı tam orta məktəbin direktoru Nəsibə Tağıyeva, məktəb-liseyin direktoru
Tahirə Comərdova, şəhər ümumi məktəbin direktoru Yeganə Göyüşova və Yuxarı
Əskipara kənd tam orta məktəbin direktoru Saleh Vəliyev çıxış ediblər. Çıxışlar zamanı bildirilib ki,
Vətən anlayışı insanın yaranmasıyla meydana çıxmışdır. Ona görə də dünyada
bütün insanlar bir-biri ilə xoş münasibətdə olmalı, dost–qardaş kimi sülh, əmin-amanlıq
şəraitində həyatlarını yaşamalı idilər. Lakin, təəssüflər olsun ki, tarixdə bu deyilənlərə lazımi qədər əməl olunmamışdır. Zaman-zaman ölkələr
arasında torpaq uğrunda müharibələr olmuş və qanlar tökülmüşdür. Vətəni qorumaq lazımdır. Vətəni
qorumaq, müharibə etmək üçün əqidəli, qətiyyətli vətəndaşlara ehtiyac vardır.
Lakin, əqidəsi möhkəm insanların sayı tarixdə hər zaman ümumi kütləyə nisbətdə
az olmuşdur. Vətən sevgisi, vətən namusu, vətən qeyrəti, vətəni sevən insanlara
xas olan keyfiyyətlərdir. Bu sevginin mənbəyi torpağa olan bağlılıq və hörmətdir.
Bu nemət Uca Allah tərəfindən bizə əmanət edilmişdir. Bu vətəni, bu torpağı bizə
ata-babalarımız necə əmanət qoyublarsa, biz də bizdən sonrakı nəsilərə bu
yurdu, bu eli elə təhvil verməliyik. Əziz Peyğəmbərimiz Həzrəti Məhəmməd
buyurmuşdur: "Vətəni sevmək-imandandır”. Bu o deməkdir ki, öz yaradanını, niyə
yaradıldığını, özünü, kimliyini anlayan insanda Vətəninə qarşı sevgi mütləq
yüksək səviyyədə olacaqdır. Əks halda, bizdə vətən sevgisi olmayacaq və bu
torpaqda yaşamağımız müvvəqəti olacaqdır. Vətən sevgisini insanlar yeri gəldikdə,
ehtiyac yarandıqda gərək öz işi, fəaliyyəti ilə təsdiq etsin. Yoxsa onun Vətən
haqqında söylədikləri boş və mənasızdır. Belə ki, vətəni həm şad, həm də kədərli
günlərdə yada salmaq gərəkdir. Azərbaycana bu gün savadlı, Vətənini,
dövlətini, prezidentini sevən, ulu öndər Heydər Əliyevin siyasətinə və gənclərlə
bağlı ideyalarına sadiq gənclər lazımdır. Biz bu gün Mübariz İbrahimov, Murad
Mirzəyev, Raquf Orucov, Mühid Orucov, Elvin Namazov, Orxan Əliyev kimi yüzlərlə,
minlərlə igid Vətən oğulları ilə fəxr edirik və qürur duyuruq. Ulu öndər Heydər Əliyev
sağlığında gənclərin vətənpərvərlik ruhunda tərbiyəsini və ümumi fəaliyyətə cəlb
edilməsini mühüm vəzifə kimi irəli sürürdü. Biz fəxrlə deyə bilərik ki, bu gün
bu siyasət Respublika Prezidenti İlham Əliyev tərəfindən uğurla davam
etdirilir. Sonda tədbir iştirakçılarını
maraqlandıran suallar cavablandırılıb. GOYEZEN.AZ
Facebook-da paylaş