Qazaxda prospekt və küçələr koronavirus əleyhinə növbəti dəfə dezinfeksiya olunub
Son vaxtlar ölkədə koronavirus pandemiyasına
yoluxanların sayında kəskin artım müşahidə edildiyindən vətəndaşlarımızın bu
xəstəlikdən qorunması və xəstəliyin geniş yayılmasının qarşısının alınması
məqsədilə həyata keçirilən kompleks tədbirlər bu gün də davam etdirilir. Qazaxda da son günlər ölkə ərazisində koronavirus
pandemiyası ilə bağlı mövcud vəziyyət və xəstəliyə yoluxanların sayındakı artım
nəzərə alınaraq bu epidemiyaya qarşı mübarizə tədbirləri genişləndirilib. Genişmiqyaslı tədbirlər çərçivəsində Qazax RİH başçısı
yanında yaradılmış operativ qərargahın tərtib etdiyi qrafikə əsasən sentyabrın
12-də prospekt və küçələr növbəti dəfə dezinfeksiya olunub. Dezinfeksiya işləri Qazax Rayon Gigiyena və
Epidemiologiya Mərkəzinin əməkdaşları tərəfindən şəhərin Heydər Əliyev
prospektində, Bakı, Azadlıq, Firuddin Şamoyev küçələrində aparılıb. Qeyd edilən ərazilər Xloromin B,
xlorlu əhəng və Bromosepto-DEZ adlı dezinfeksiyaedici
maddələr qatılmış xüsusi məhlulla maşın vasitəsilə dezinfeksiya olunub. Respublika Prezidenti İlham Əliyevin və Birinci
vitse-prezident Mehriban Əliyevanın rəhbərliyi altında Azərbaycan
Respublikası Nazirlər Kabineti yanında Operativ Qərargahın tövsiyə və
tapşırıqlarına uyğun olaraq, respublikamızda koronavirus (COVID-19) infeksiyasının
yayılmasının qarşısının alınması məqsədilə həyata keçirilən
tibbi-profilaktik və dezinfeksiyaedici tədbirlər vətəndaşlar tərəfindən də
minnətdarlıqla qarşılanır. Heydər Əliyev prospekti Azadlıq küçəsi Firuddin Şamoyev küçəsi GOYEZEN.AZ
Facebook-da paylaş