Qazaxda Vətən müharibəsi şəhidi baş çavuş İsmayıl Qəsəbovun doğum günü ailə üzvləri ilə birlikdə qeyd olunub
Azərbaycan
xalqının yaddaşına qızıl hərflərlə yazılan 2020-ci il illər ötsə belə tarixi Qələbənin,
Zəfərin yazıldığı bir il kimi xatırlanacaq. Çünki həmin ildə qüdrətli Azərbaycan
Ordusu 44 günlük Vətən müharibəsində böyük Zəfərə, unudulmaz tarixi Qələbəyə
imza atdı. Ölkə Prezidenti, Silahlı Qüvvələrin Müzəffər Ali Baş Komandanı İlham
Əliyevin rəhbərliyi altında rəşadətli ordumuzun bəxş etdiyi möhtəşəm Qələbənin
sevincini hər bir azərbaycanlı bu gün də böyük qürur hissi ilə yaşayır. Müasir
tariximizə qızıl hərflərlə yazılan bu misilsiz hərbi nailiyyət haqqında hələ
yüz illər sonra da iftixarla danışılacaq, yazılacaq, bu unudulmaz müjdə gələcək
nəsillərə ərməğan kimi ötürüləcək. Ən əsası isə qazandığımız bütün bu tarixi
nailiyyətlərə görə Ali Baş Komandana, onun rəhbərliyi altında bizləri Qələbə ilə
sevindirən Azərbaycan Ordusunun əsgər və zabitlərinə, hərbçilərimizə, Vətən
uğrunda canından keçən qeyrətli, cəsur oğullarımıza, şəhidlərimizə,
sağlamlığını itirən qazilərimizə bir ömür boyu minnətdar olacağıq. Vətən, torpaq,
yurd naminə canını fəda edərək Şəhidlik zirvəsinə ucalan və şəhadəti ilə
ölümsüzlüyə qovuşan oğullarımızdan biri də şəhid baş çavuş Qəsəbov İsmayıl Nəbi
oğludur. Döyüşdə göstərdiyi qəhrəmanlığa görə ölkə Prezidenti İlham Əliyev tərəfindən
ölümündən sonra "Azərbaycan Bayrağı” ordeni, "Vətən uğrunda”, "Şuşanın
azad olunmasına görə”, "Kəlbəcərin azad olunmasına görə”, "Cəbrayılın azad
olunmasına görə”, "Xocavəndin azad olunmasına görə” medalları ilə təltif olunmuş igid şəhidimizin bu gün doğum günüdür. Vətən
torpaqlarının azadlığını canı, qanı bahasına qoruyaraq Şəhidlik zirvəsinə
ucalmış baş çavuşun bu gün yaşasaydı 30 yaşı tamam olacaqdı. Cənab Prezident İlham Əliyevin və Birinci vitse-prezident Mehriban
Əliyevanın şəhidlərimizə, şəhid ailələrinə, Qarabağ müharibəsi əlillərinə,
onların ailələrinə göstərdikləri diqqət və qayğı Qazaxda da hər zaman örnək
götürülür. Qazax Rayon İcra Hakimiyyətinin başçısı Rəcəb Babaşov şəhidlərimizi
və onların ailələrini hər zaman diqqət mərkəzində saxlayır. Fəaliyyətə
başladığı ilk gündən rayon rəhbərliyi tərəfindən əlamətdar günlərdə, şəhidlərimizin
doğum və anım günlərində ailələri və məzarları ziyarət olunur, igid Vətən oğullarının əziz xatirələri dərin ehtiramla yad edilir.İlk gündən əsası qoyulan ənənə bu gün də davam etdirilir. Rayon rəhbərliyinin tapşırığına əsasən bu gün 30 yaşını qeyd etdiyimiz baş çavuş İsmayıl Qəsəbovun dadoğum günü unudulmayıb. Qazax
Rayon İcra Hakimiyyəti başçısının müavini-İctimai-siyasi
və humanitar məsələlər şöbəsinin müdiri Gulaya Həsənova, RİH başçısı aparatındaVətən müharibəsi iştirakçıları və şəhid ailələri ilə işin təşkili şöbəsinin müdiri qazi kapitan Samir Çobanov, şöbənin
böyük məsləhətçisi Məhəmməd Xəlilli, Milli
Məclisin deputatı Ülviyyə Ağayevanın köməkçisi
Arzu Musayeva şəhidimizin
doğum günündə ailə üzvləri və yaxınları ilə birlikdə məzarını
ziyarət edərək tər qərənfillər düzüb, igid Vətən oğlunun əziz
xatirəsini dərin ehtiramla yad ediblər.
Şəhidimizin ruhuna
dua oxunduqdan sonra İsmayıl Qəsəbovun ata
ocağına gələrək Vətən uğrunda canından keçən şəhidimizə Allahdan rəhmət, ailəsinə
səbir diləyiblər. Şəhidimizin şəxsi əşyalarından, şəkillərindən ibarət guşə ilə
tanış olaraq İsmayıl kimi oğullarımızın daim qəlblərdə yaşayacaqlarını söyləyib,
Azərbaycan xalqının qüruru, fəxri olan bütün şəhidlərimizin, o cümlədən də İsmayılın
xatirəsinin daim əziz tutulacağını bildiriblər. Müavin
Gulaya Həsənova rayon rəhbərliyinin adından şəhidimizin ailəsinə səmimi ürək
sözlərini çatdırıb, Respublika Prezidenti, Ali Baş Komandan İlham
Əliyevin rəhbərliyi altında 44 günlük Vətən müharibəsində qüdrətli Azərbaycan
Ordusunun qazandığı tarixi Qələbədən söz açan müavin həmin qələbədə payı olan İsmayıl
kimi qəhrəman oğullarımızı yad etməyin, şəhidlərimizin göstərdikləri igidliyi,
qəhrəmanlığı bugünkü və gələcək nəsillərə nümunə göstərməyin hər birimizin vətəndaşlıq
borcu olduğunu qeyd edib. Vətən uğrunda canlarından keçən bütün şəhidlərimizin
daim qəlblərdə yaşayacağını qeyd edən müavin şəhidimizin ailəsinə göstərilən
diqqət və qayğının bundan sonra da yüksək səviyyədə olacağını söyləyib. Qazax
RİH başçısı aparatında Vətən müharibəsi iştirakçıları və şəhid ailələri ilə işin təşkili şöbəsinin müdiri qazi kapitan Samir Çobanov şəhid baş çavuşumuz haqqında ürək sözlərini bölüşərək
Vətən torpaqlarının azadlığını hər şeydən üstün tutan İsmayıl kimi qəhrəman
oğullarımızla hər birimizin fəxr etdiyini qeyd edib. Bir qazi olaraq şəhidlərimizin,
yaralı qazilərimizin ailələrinə göstərilən dövlət qayğısına görə ölkə Prezidenti İlham Əliyevə, Birinci vitse-prezident Mehriban
Əliyevaya və rayon rəhbərliyinə minnətdarlığını bildirib. Rayon rəhbərliyi
tərəfindən şəhidlərimizin adlarının əbədiləşdirilməsi istiqamətində görülən işlərdən
danışan S.Çobanov bunun bariz nümunəsi olaraq Vətən müharibəsi şəhidlərinin
xatirəsinə yazılmış "Qanları ilə dastan yazanlar” kitabını, Qazax
Tarix-Diyarşünaslıq Muzeyində Vətən torpaqlarının ərazi bütövlüyü uğrunda
canından keçən 338 nəfər qazaxlı şəhidin xatirəsini əbədiləşdirən guşənin
yaradılmasını nümunə göstərib. Bu istiqamətdə görülən işlərin bundan sonra da
davam etdiriləcəyini vurğulayıb. Deputat köməkçisi Arzu Musayeva çıxış edərək Ülviyyə
xanımın səmimi ürək sözlərini çatdırıb, şəhidimizin əziz xatirəsini dərin
ehtiramla yad edib. Ölkə Prezidenti İlham Əliyevin, Birinci vitse-prezident
Mehriban Əliyevanın şəhidlərimizə, şəhid ailələrinə, qazilərimizə göstərdiyi
diqqət və qayğının hər kəs üçün örnək olduğunu bildirib. Şəhidimizin doğum
günündə bugünkü ziyarətin də həmin diqqət və qayğının davamı olduğunu qeyd
edib. Şəhidimizin anası
Kəmalə Carçıyeva şəhid ailəsi kimi
hər zaman onlara göstərilən diqqət və qayğıya görə ölkə Prezidenti İlham Əliyevə,
Birinci vitse-prezident Mehriban Əliyevaya və rayon rəhbərliyinə minnətdarlığını
bildirib. Övladının doğum günündə onu yad etdikləri və təbrikə gəldikləri üçün
rayon rəhbərliyinə razılığını ifadə edib. Oğlunun xatirəsinin əziz tutulmasını,
ailəsinə sahib çıxılmasını, daim yad olunmasını İsmayılın timsalında bütün şəhid
ailələrinə olan hörmət və ehtiramın, qayğının bariz nümunəsi kimi dəyərləndirib. Şəhidimizin həyat yoldaşı Lalə Qəsəbova rəhbər təyin olunduğu ilk gündən şəhidlərimizə və
onların ailələrinə daim qayğı ilə yanaşan, əlamətdar günlərdə, şəhidlərimizin
doğum və anım günlərində ailələrini və məzarlarını ziyarət edən rayon rəhbərliyinə
təşəkkürünü çatdırıb. Baş çavuş Qəsəbov
İsmayıl Nəbi oğlu
Şəhid İsmayıl Qəsəbov 6 iyul 1991-ci ildə
Qazax rayonunun Çaylı kəndində anadan olmuşdur. 1998-ci ildə Qazax rayon Elşən Cəfərov adına Çaylı kənd 2 nömrəli tam
orta məktəbin 1-ci sinfinə daxil olmuş, 2009-cu ildə həmin məktəbin 11-ci
sinfini bitirmişdir. 2009-cu ilin oktyabr ayında Azərbaycan
Respublikası Səfərbərlik və Hərbi Xidmətə Çağırış üzrə Dövlət Xidmətinin Qazax
Rayon Şöbəsi tərəfindən Azərbaycan Silahlı Qüvvələrinə həqiqi hərbi xidmətə çağrılmış, 2011-ci
ilin aprel ayında hərbi xidmətdən tərxis olunmuşdur. 28.12.2012-ci ildə
Azərbaycan Respublikası Daxili İşlər Nazirliyinin Daxili Qoşunlarının Xüsusi Təyinatlı
Dəstəsinə qəbul olmuş və orada xidmət etmişdir. Sonra xidmətini "N” saylı hərbi
hissədə davam etdirmişdir. DİN-nin DQ-nın "N” saylı hərbi hissəsində XTD-də,
5-ci XƏQ-nun, 2-ci XƏ yarım qrupunda atıcı qumbaraatan, müddətdən artıq həqiqi hərbi xidmət hərbi qulluqçusu
(MAHHXHQ) baş çavuş İsmayıl Qəsəbov 07.11.2020-ci il tarixdə Şuşa şəhərində
gedən döyüşlərdə qəhrəmancasına şəhid olmuşdur. İgid Vətən oğlu 12.11.2020-ci
il tarixdə doğulub boya-başa çatdığı Çaylı
kəndindəki Şəhidlər xiyabanında izdihamla
dəfn edilmişdir. Ailəliydi, Mərd və Uğur adlı iki azyaşlı oğul övladı yadigar
qalıb. Vətən
torpaqlarının düşmən tapdağından azad edilməsi uğrunda qəhrəmancasına vuruşan
baş çavuş İsmayıl Qəsəbovun döyüş meydanında göstərdiyi şücaət dövlətimiz, ölkə
rəhbəri tərəfindən də yüksək qiymətləndirildi. Şəhidimiz ölümündən sonra cənab
Prezident İlham Əliyevin 15 dekabr 2020-ci il tarixli Sərəncamına əsasən "Vətən
uğrunda”, 29 dekabr 2020-ci il
tarixli Sərəncamına əsasən "Şuşanın azad
olunmasına görə” medalları, 24 iyun
2021-ci il tarixli Sərəncamlarına əsasən "Azərbaycan Bayrağı” ordeni, "Kəlbəcərin
azad olunmasına görə”, "Cəbrayılın azad olunmasına görə”, "Xocavəndin azad
olunmasına görə” medalları ilə
təltif olunmuşdur. Bu gün
torpaqlarımızın azadlığı uğrunda canını qurban vermiş İsmayıl Qəsəbov kimi
qəhrəman oğullarımızla hər kəs fəxr edir, onların əziz xatirəsini daim uca
tutur, ruhları qarşısında baş əyir. Azadlıq, müstəqillik, qəhrəmanlıq
simvolumuz olan şəhidlərimiz hər zaman bizim qəlbimizdə əbədi yaşayacaqdır.
Ruhun şad, məkanın cənnət olsun igid Vətən oğlu!.
GOYEZEN.AZ
Facebook-da paylaş