SHXÇDX-nin Qazax rayon şöbəsinin əməkdaşları şəhid ailələrini bayram ərəfəsində ziyarət ediblər
"Torpaq,
əgər uğrunda ölən varsa, Vətəndir” deyərək müqəddəs
bir amal uğrunda döyüşə atılan və ölümün gözünə dik baxan qeyrətli Qazax
övladları çoxdur. Vətən torpaqlarının ərazi bütövlüyü tam olsun deyə
Qazax rayonu da 287 nəfər şəhid verib. 7 nəfər igid oğlu Azərbaycanın Milli
Qəhrəmanı adına layiq görülüb. Bu gün düşmənlə 168 km məsafədə sərhəddi olan QazaxınBağanıs Ayrım, Xeyrımlı, Barxudarlı, Sofulu, Qızılhacılı,
Yuxarı Əskipara və Aşağı Əskipara kimi 7
kəndi hələ də düşmən tapdağı altındadır. Quşçu Ayrım, Məzəm, Fərəhli, Cəfərli, Bala Cəfərli kimi 5 kəndi isə daim düşmən
gülləsinin atəşinə məruz qalır. Rayonda Vətənin
müstəqilliyi və ərazi bütövlüyü uğrunda canından keçən şəhidlərimizə, onların
ailə üzvlərinə olan qayğı həmişə yüksək səviyyədədir. İstər rayon rəhbərliyi,
istərsə də rayonda fəaliyyət göstərən hər bir təşkilatın rəhbərliyi
şəhidlərimizin ailə üzvlərinə daim qayğı ilə yanaşır. Rayon rəhbəri tərəfindən şəhidlərimizin
uyuduğu qəbiristanlıqların, onların xatirəsinə ucaldılmış abidələrin,
parkların, bulaqların, xiyabanların abadlaşdırılması, yenilənməsi, əsaslı
şəkildə təmir edilməsi bunun bariz nümunəsidir. Şəhərin mərkəzində yerləşən
Şəhidlər xiyabanı, orada aparılan abadlıq işləri, ən əsası da şəhidlərimizin
adı və şəkli əks olunmuş lövhənin vurulması bu istiqamətdə görülən işlərin daha
bir əyani sübutudur. Qazaxda Vətən torpaqlarının azadlığı uğrunda canından keçmiş şəhidlərimizin
xatirəsi bütün əlamətdar günlərdə, bayramlarda da anılır, şəhid
ailələri daim diqqət mərkəzində saxlanılır.
Səfərbərlik və Hərbi
Xidmətə Çağırış üzrə Dövlət Xidmətinin Qazax rayon şöbəsinin kollektivi də
şəhid ailələrini mütəmadi olaraq yad edir, onların gündəlik qayğıları ilə
maraqlanır. Şöbə tərəfindən şəhid ailələri ilə keçirilən görüşlər demək olar
ki, artıq bir ənənə halını alıb. Şöbənin əməkdaşları bütün bayramlarda olduğu
kimi, bu dəfə də öz ənənəsinə sadiq qalaraq 31 Dekabr – Dünya
Azərbaycanlılarının Həmrəylik Günü və Yeni il bayramı ərəfəsində da şəhid
ailələrini ziyarət ediblər. Şöbənin şəxsi heyəti əlamətdar bayramlar münasibətilə torpaqlarımızın
azadlığı uğrunda şəhid olmuş Qazax igidlərinin evlərində qonaq olub, onların ailələrinə mənəvi
dəstək olublar. Cəfərli kəndində şəhid Almazov İsə Ziyad oğlunun, Fərəhli kəndində şəhid
Qurbanov Qoşqar Məqsəd oğlunun, Xanlıqlar kəndində
şəhid Məmmədov Akşin Vəlyəddin oğlunun və Süleymanov Vüqar İdris oğlunun, şəhərdə Səfərbərlik
və Hərbi Xidmətə Çağırış üzrə Dövlət Xidmətinin Qazax rayon şöbəsinin rəisi, mayorMehman Rəhimov şəhid ailələri ilə keçirilən görüşlərdəçıxış edərək torpaqlarımızın azadlığı uğrunda canından keçən Vətən
oğullarının ailələrinə Prezident İlham Əliyev, Biirinci vitse-prezident
Mehriban Əliyeva və rayon rəhbərliyi tərəfindən göstərilən yüksək diqqət və
qayğıdan danışıb. Şəhid ailələrinin üzvləri
onlara göstərilən diqqət və qayğıya görə minnətdarlıqlarını bildiriblər.
GOYEZEN.AZ
şəhid Mustafayev Niyaz Mustafa oğlunun ailələrini ziyarət edərək onların daim dövlətimizin diqqət və qayğısı
ilə əhatə olunduqlarını bildiriblər.
Facebook-da paylaş