Qazaxda Vətən müharibəsi qazisi Elməddin Yusubov və qazi qardaşları onların adından danışan Eldəniz Əzimov barəsində ciddi tədbir görülməsini tələb edirlər - VİDEO
Bu gün ölkəmizdə Respublika Prezidenti İlham
Əliyevin və Birinci vitse-prezident Mehriban Əliyevanın şəhidlərimizə, şəhid ailələrinə,
Qarabağ müharibəsi əlillərinə, onların ailələrinə göstərdikləri dövlət qayğısı
Qazaxda da örnək götürülür. Bu amili hər zaman əldə rəhbər tutan Qazax Rayon İcra
Hakimiyyətinin başçısı Rəcəb Babaşov şəhidlərimizin ailələrini və
qazilərimizi daim diqqətdə saxlayır. 44 günlük
Vətən müharibəsində qazanılan Qələbədə payı olan, döyüş meydanında
göstərdiyi qəhrəmanlığa görə ölkə Prezidenti İlham Əliyevin müvafiq Sərəncamı
ilə "Xocəvəndin azad olunmasına görə” medalı ilə təltif olunan Yusubov Elməddin Əziz oğlu da daim qayğı ilə əhatə
olunur. Elməddin
Yusubov dövlətin ona göstərdiyi qayğıdan bu gün də razılıq edir. Qazax şəhəri
Bakı küçəsində yaşayan Eldəniz Əzimov adlı şəxsin onun və ailəsinin haqqında
etdiyi paylaşımı isə şəhid ailələrinə, qazilərimizə qarşı qara ləkə hesab edir. Dövlətin
onlara göstərdiyi qayğıdan razılıq edən Vətən müharibəsi qaziləri mayor Xəyyam
Əliyev, Xalid Həsənov və başqaları da şəhid ailələri, qazilərimiz haqda danışmağa
haqqı çatmayan bir şəxsin bu gün sosial şəbəkələrdə öz mənafeyi üçün qazi Elməddin
Yusubovun və ailəsinin şəklini paylaşmasını özlərinə qarşı təhqir sayırlar. Bu
cür şəxs barəsində ciddi tədbir görülməsini tələb edirlər. Qazilərimizin
paylaşımla bağlı fikirlərini özündə əks etdirən videonu təqdim edirik.
Facebook-da paylaş