Gəncə Səyyar “ASAN xidmət" avtobusu Qazaxda növbəti fəaliyyətinə başlayıb
Vətəndaşlara keyfiyyətli və şəffaflıq prinsipləri əsasında
xidmətlər təqdim edən "ASAN xidmət” qısa müddətdə əhalimizin inamını və rəğbətini
qazanmaqla yanaşı ölkə hüdudlarından kənarda da kifayət qədər tanınır və öyrənilir. Xidmətin başlıca
prinsiplərindən biri də respublikamızın bütün bölgələrini əhatə etməsi, "ASAN xidmət”in fəaliyyət göstərmədiyi ünvanlarda
belə sakinlərə xidmət göstərilməsidir. Qazax rayon sakinləri də
mütəmadi olaraq "ASAN xidmət”in fəaliyyətindən
yararlanır. Xəbər verdiyimiz kimi,
Gəncə Səyyar "ASAN xidmət”in nümayəndələri 6 noyabr
2019-cu il tarixdən texnika ilə təchiz olunmuş xüsusi avtobusla
Qazax şəhəri, Ş.Xiyabanı küçəsi 12 ünvanında (mərkəzi poçtla üzbəüz) əhaliyə
səyyar xidmətlər göstərməyə başlayıb. 5 dekabr 2019-cu il tarixədək səyyar şəkildə göstərilən xidmətlər əsasən Azərbaycan
Respublikasının Daxili İşlər Nazirliyi, Dövlət Sosial Müdafiə Fondu, Əmlak
Məsələləri Dövlət Komitəsi, Ədliyyə Nazirliyi tərəfindən təqdim olunur. Səyyar "ASAN xidmət”in qrup rəhbəri Mehrac Cabbarlı GOYEZEN.AZ saytına müsahibəsində bildirib ki, 30 gün
müddətində səyyar şəkildə göstərilən bu xidmətlərə torpaq üzərində mülkiyyət hüquqlarının
təkrar dövlət qeydiyyatına alınması barədə çıxarışın, həmin torpaq sahəsinin
planının və ölçüsünün verilməsi, tərcümə xidməti, tibb xidməti, bank xidməti (dövlət
rüsumlarının və xidmət haqlarının qəbulu), daşınmaz əmlakın təsvirinə, dövlət
qeydiyyatına alınmış hüquqlara və onların məhdudlaşdırılmasına (yüklülüyünə)
dair dövlət reyestrindən arayışların verilməsi, mənzillər üzərində mülkiyyət
hüquqlarının dövlət qeydiyyatına alınması barədə çıxarışların verilməsi,
yaşayış evləri (fərdi) üzərində mülkiyyət hüquqlarının dövlət qeydiyyatına
alınması barədə çıxarışların (ilkin qeydiyyat istisna olmaqla) verilməsi, əmək
pensiyalarının təyin edilməsi, ümumvətəndaş pasportlarının verilməsi və dəyişdirilməsi,
şəxsiyyət vəsiqələrinin verilməsi və dəyişdirilməsi, vətəndaşlıq vəziyyəti
aktlarının dövlət qeydiyyatı və notariat fəaliyyəti daxildir. Səyyar "ASAN xidmət"
avtobuslarında sənəd qəbulu həftə içi və şənbə günü saat 10:00-dan 17:30-dək
(nahar fasiləsi 14:00-dan 15:00-dək) həyata keçirilir. Hazır sənədin verilməsi
isə həftə içi və şənbə günü saat 10:00-dan 18:00-dək (nahar fasiləsi 14:00-dan
15:00-dək) təşkil olunur. Qrup rəhbəri qeyd edib
ki, səyyar xidmətin həyata keçirilməsinin əsas məqsədi dövlət xidmətlərinin vətəndaşlara
daha rahat, yeni və innovativ üsullarla təqdim edilməsi, vətəndaşlar üçün əlçatanlığın
təmini və vətəndaş məmnunluğuna nail olunmasıdır. Məlumat üçün
qeyd edək ki, bir gündür ki, fəaliyyətə başlamasına baxmayaraq
müraciət edən 206 nəfərə xidmət
göstərilib.
Facebook-da paylaş