Qazax Rayon Heydər Əliyev Mərkəzində “Tarix yazan və yaradan lider” mövzusunda silsilə ekskursiyalara start verilib
Aprelin 15-dən Qazax
Rayon Heydər Əliyev Mərkəzində Azərbaycan xalqının Ümummilli Lideri Heydər
Əliyevin anadan olmasının 99-cu ildönümü ilə əlaqədar dahi şəxsiyyətin keçdiyi
şərəf yolunu, zəngin siyasi fəaliyyətini və böyük irsini gənc nəsillərə təbliğ
etmək məqsədilə "Tarix yazan və yaradan lider” mövzusunda silsilə
ekskursiyalara start verilib. Ekskursiyalarda
dahi şəxsiyyətin mənalı həyatının və siyasi fəaliyyətinin müxtəlif mərhələlərini
özündə əks etdirən filmlərin nümayişi və mühazirələrin oxunması nəzərdə tutulur. Bu gün həyata
keçirilən ilk ekskursiyada Qazax Dövlət Sosial-İqtisadi Kollecinin və Bakı Dövlət
Universitetinin Qazax filialının tələbələri iştirak ediblər. Ziyarətçilərə Ulu Öndər
Heydər Əliyevin həyat və siyasi fəaliyyətindən bəhs edən film nümayiş etdirilib.
"Heydər Əliyevin uşaqlıq və təhsil illəri” mövzusunda mühazirə oxunub. Filialın Tarix
fakültəsinin III kurs tələbəsi Gülaya Rüstəmzadə çıxış edərək dahi şəxsiyyətin
Azərbaycanın müstəqilliyi və inkişafında əvəzsiz xidmətlərindən danışıb, müstəqil
və qalib bir dövlətin gənci olduğu üçün qürur duyduğunu bildirib.
GOYEZEN.AZ
Facebook-da paylaş