Mayın 26-da Qazax Rayon Heydər Əliyev Mərkəzinin təşkilatçılığı ilə sağlam həyat tərzinin təbliği və narkomanlığın ziyanı ilə bağlı gənclərin maarifləndirilməsi məqsədilə "Cəmiyyətin qəddar düşməni - Narkomaniya” mövzusunda videokonfrans keçirilib. Videokonfransda Qazax Rayon İcra Hakimiyyəti başçısı aparatında aparıcı məsləhətçi-Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Kəmalə Cəfərova, Qazax Psixiatriya Xəstəxanasının  həkim-narkoloqu Nahidə Osmanova,  Bakı şəhəri 215 nömrəli tam orta məktəbin və İlknur tədris mərkəzinin psixoloqu Vüsalə Hüseynəliyeva, Şəki şəhərindən ictimai fəal gənc, Heydər Əliyev Siyasi Məktəbini Öyrənirik gənc liderlər proqramının üzvü Tofiq Məmmədkərimov, Səməd Vurğun adına Qazax şəhər 2 nömrəli tam orta məktəbin psixoloqu Afət Əsgərova, həmin məktəbin IX sinif şagirdləri və rayon gəncləri iştirak ediblər.

Mərkəzin direktoru Ceyhunə Hüseynova tədbiri giriş sözü ilə açaraq videokonfransın məqsəd və əhəmiyyətindən danışıb. Müasir dövrün ən qorxulu bəlalarından olan narkomaniya və onun fəsadları barədə məlumat verib. C.Hüseynova qeyd edib ki, narkomaniya ilə mübarizə sağlam cəmiyyətin formalaşması baxımından əsas məqsəd və vəzifələrdəndir. Narkomanlığa qarşı qətiyyətlə mübarizə aparan ölkələrdən biri də Azərbaycandır. Bildirib ki, Ulu Öndər Heydər Əliyev narkomanlığa və narkotik vasitələrin qanunsuz dövriyyəsinə qarşı mübarizəni ümumdövlət vəzifəsi hesab edərək 26 avqust 1996-cı il tarixli "Narkomanlığa və narkotik maddələrin qanunsuz dövriyyəsinə qarşı tədbirlər haqqında” fərman imzalamış və problemin həlli istiqamətində tədbirlər həyata keçirilmişdir. Bu işlərin davamı olaraq bu gün Ulu Öndərin siyasi kursunun layiqli davamçısı Prezident İlham Əliyev bu sahədə mövcud qanunvericiliyin təkmilləşməsində yeni Dövlət Proqramının qəbuluna nail olmuşdur. 2007-2012, 2013-2018, 2019-2024-cü illərdə müxtəlif Dövlət Proqramları qəbul edilmiş və bu proqramların hər biri maarifləndirmə işinin təşkilində böyük rol oynayır.

Sonra videokonfrans iştirakçıları Qazax Rayon İcra Hakimiyyəti başçısı aparatında aparıcı məsləhətçi-Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Kəmalə Cəfərova, Qazax Psixiatriya Xəstəxanasının  həkim-narkoloqu Nahidə Osmanova,  Bakı şəhəri  215 nömrəli tam orta məktəbin və İlknur tədris mərkəzinin psixoloqu Vüsalə Hüseynəliyeva, Şəki şəhərindən ictimai fəal gənc, Heydər Əliyev Siyasi Məktəbini Öyrənirik gənc liderlər proqramının üzvü Tofiq Məmmədkərimov, şəhər 2 nömrəli tam orta məktəbin psixoloqu Afət Əsgərova çıxış edərək narkotik vasitələrin insan orqanizminə göstərdiyi mənfi təsirlər, gətirdiyi faciələr barədə məlumat veriblər. Çıxış edənlər vurğulayıblar ki, sağlam düşüncəli insanlar dərk edirlər ki, narkomaniya cinayət, ailələrin dağılması, gələcəkdə törədəcəyi ağır fəsadlar, xəstəlik, ölüm kimi böyük təhlükədir. Həmçinin, o da qeyd edilib ki, insan cəmiyyətinin mənəvi və əxlaqi dəyərlərinə ciddi zərbə vuran, insanların həyat və sağlamlığına böyük təhlükə yaradan, cinayətkarlığın artmasına səbəb olan narkomaniya qlobal problemlər sırasında qalmaqdadır. Çıxışlarda ümumi fikir ifadə olunub ki,yeniyetmə və gənclər bu zərərli vərdişlərdən uzaq durmalı və gənc nəslin savadlı, vətənpərvər ruhda böyüməsi, sağlam inkişaf etməsi istiqamətində ölkədə həyata keçirilən islahatlardan yararlanmalıdırlar.

GOYEZEN.AZ