Bu gün Qazax Dövlət Dram Teatrının səhnəsində fransız yazıçısı Viktor Hüqonun "Bir edam məhkumunun son günü" əsərinin motivləri əsasında hazırlanmış eyniadlı tamaşanın premyerası olub.

Teatrın 80-ci mövsümündə Mədəniyyət Nazirliyinin dəstəyi ilə hazırlanan tamaşanın quruluşçu rejissoru Allahverdi Musayev, quruluşçu rəssamı isə Səyyat Məmmədovdur.

Əsas obrazı teatra dəvət olunan aktyor Mehman Dilqəmoğlu (Piriyev) canlandırıb. Digər rolları aktyorlar Hacı Hacıyev, İlqar Hacəliyev, Arif Almədədov, Yusif Qoca və Aydın Orucov ifa ediblər.

Əsəri dilimizə gənc şair Hikmət Orhun uyğunlaşdırıb.