Qazaxda daha bir icra nümayəndəsi tutduğu vəzifədən azad edilib
Ötən gün, iyunun 18-də Qazax rayonunun Daş Salahlı kəndində yetkinlik yaşına çatmayan qıza toy
mərasiminin keçirilməsi, toyun rayon polis
əməkdaşları tərəfindən dayandırılması, qurulmuş çadırın sökülməsi barədə
məlumat vermişdik. Toy sahibi Daş Salahlı kənd sakini Vanoy
Nəsibova gəlininin nikah yaşı tamam olmadığı üçün toy mərasimi keçirə
bilməyəcəyi izah olunmuş, toy edəcəyi təqdirdə övladının qanun qarşısında
cinayət məsuliyyətinə cəlb ediləcəyi bildirilmişdi. Araşdırma zamanı Qazax Rayon İcra
Hakimiyyəti başçısının Daş Salahlı kənd İnzibati Ərazi Dairəsi üzrə nümayəndəsi Hüseynli Tahir
Namiq oğlunun toyun keçirilməsi barədə aidiyyəti üzrə vaxtında məlumat vermədiyi
məlum olub. Bu səbəbdən T.Hüseynli tutduğu vəzifədən azad edilib. Onu da qeyd edək ki, Qazaxda rayonun
hüquq-mühafizə orqanları və Rayon İcra Hakimiyyəti başçısı aparatı yanında
Yetkinlik yaşına çatmayanların işləri və hüquqlarının müdafiəsi üzrə komissiya tərəfindən yetkinlik
yaşına çatmayanların hüquqlarının qorunması, erkən nikahın qarşısının
alınması istiqamətində tədbirlər davam etdirilir. GOYEZEN.AZ
Facebook-da paylaş