Millət vəkili Səməd Seyidov Qazaxda seçiciləri ilə görüşüb
107 saylı Qazax Seçki Dairəsindən millət vəkili seçilmiş Səməd Seyidov
növbəti dəfə seçiciləri ilə görüşüb. Azərbaycan Respublikası Milli Məclisinin Beynəlxalq münasibətlər və
parlamentlərarası əlaqələr komitəsinin sədri Səməd Seyidovun iyunun 13-də Xalq yazıçısı İsmayıl Şıxlının adını
daşıyan parkda və şəhərin Ələddin Qədirov küçəsində
yerləşən 2,3,4 saylı binalarda yaşayan, iyunun 14-də şəhərin Səməd Vurğun küçəsində
yaşayan sakinlərlə olan görüşləri
vətəndaşlar tərəfindən də razılıqla qarşılanıb. Qazax Rayon İcra Hakimiyyətinin
başçısı Rəcəb Babaşovun da iştirak etdiyi görüşdə dövlətimiz, ölkə
Prezidenti İlham Əliyev, Birinci vitse-prezident Mehriban Əliyeva tərəfindən
sakinlərə göstərilən dövlət qayğısından söz açılaraq həmin qayğının hər bir
dövlət məmuru üçün örnək və nümunə olduğu qeyd edilib. Sakinləri 15 İyun – Milli Qurtuluş
Günü münasibətilə təbrik edən millət vəkili tarixi günün əhəmiyyətindən söz
açıb. Millət vəkili Ulu Öndər Heydər Əliyevin hakimiyyətə gəlməsi ilə müstəqil
Azərbaycanın bugünkü firavan həyatını təmin etdiyini bildirib. Bu gün qalib
xalqa çevrilmişiksə, Qarabağı azad etmişiksə, bayrağımızı Şuşada yüksəltmişiksə,
bunun kökündə Ulu Öndər fəlsəfəsinin məntiqi nəticəsinin dayandığını vurğulayıb.
Eyni zamanda Prezident İlham Əliyevin dəmir yumruğunun, iradə və zəkasının sayəsində
tarixi Qələbə əldə etdiyimizi qeyd edib. Seçiciləri ilə səmimi söhbət edən millət vəkili bu cür görüşlərin təməlində
ölkə Prezidenti cənab İlham Əliyevin vətəndaşlara olan diqqət və qayğısının,
ölkə rəhbərinin verdiyi tapşırıq və tövsiyələrin dayandığını qeyd edib. "Hər
bir dövlət məmurunun vəzifə borcudur ki, siz vətəndaşlara qayğı ilə yanaşsın.
Əsas məqsədimiz vətəndaş məmnunluğunu təmin etmək, vətəndaşı dövlətdən razı
salmaqdır. Millət vəkili olaraq hər zaman sizin yanınızdayıq. Tez-tez görüşə
bilməsək də əsas məqsədimiz dövlətin qayğısını sizə olduğu kimi çatdırmaqdır.
Mən də özümə borc bildim ki, sizlərlə görüşüm”, - deyən millət vəkili bu cür
görüşlərin bu amala xidmət etdiyini bir daha vurğulayıb. Qazaxa hər səfərində
bir yeniliyin şahidi olduğunu qeyd edən millət vəkili rayonda aparılan abadlıq
və quruculuq işlərindən də söz açıb. Millət vəkili regionların sosial-iqtisadi inkişafı dövlət proqramının
Qazaxda uğurla icra olunmasını, əhalinin maddi rifah halının yaxşılaşdırılması
istiqamətində görülən işləri ölkə başçısının və rayon rəhbərliyinin vətəndaşlara olan qayğısı kimi
qiymətləndirib. Sakinlər son illər rayonda, eləcə
də yaşadıqları küçədə, binaların həyətlərində görülən işlərə görə ölkə başçısı
İlham Əliyevə minnətdarlıqlarını bildiriblər. Dövlətimiz tərəfindən vətəndaşlara
göstərilən qayğını rayon rəhbərliyi tərəfindən bütün sahələrdə hiss etdiklərini
dilə gətiriblər. Onlarla olan səmimi görüşə və qayğıları ilə maraqlandığına görə
millət vəkilinə razılıqlarını bildirən sakinlər bugünkü görüşü vətəndaşlara
olan növbəti dövlət qayğısı kimi dəyərləndiriblər. Görüş zamanı millət vəkili Səməd Seyidov və rayon rəhbərliyi qaldırılan hər bir məsələyə həssaslıqla yanaşılacağını bildiriblər. Edilən müraciətlərin həlli istiqamətində aidiyyəti üzrə müvafiq tapşırıqlar verilib. Xalq yazıçısı İsmayıl Şıxlının
adını daşıyan parkda şəhər sakinləri ilə görüş Ələddin Qədirov küçəsində 2,3,4 saylı binaların sakinləri ilə
görüş Səməd Vurğun küçəsində şəhər sakinləri
ilə görüş
GOYEZEN.AZ
Facebook-da paylaş