İcra başçısı Kosalar kənd sakini Məşədi İbrahimin yaşadığı evdə aparılan təmir işləri ilə tanış olub
Ötən
yazılarımızda qeyd etdiyimiz kimi, ADA Universitetinin "Bir müəllimin
manifesti” layihəsi çərçivəsində Qazax Müəllimlər Seminariyasının tarixi binası
əsaslı şəkildə yenidən qurulur. ADA Universitetinin "Bir müəllimin
manifesti” təşəbbüsü çərçivəsində tariximizin incisi olan Qazax Müəllimlər
Seminariyasının binasını bərpa etməsi nəinki onun yenidən istifadəsini mümkün
edəcək, eləcə də milli təhsilimizin inkişafına böyük töhfə olacaq. Firudin bəy
Köçərlinin misilsiz çətinliklər bahasına qurduğu və ilk direktoru olduğu
Seminariya binasının bərpası eyni zamanda Azərbaycanda maarifçilik irsimizin
yaşadılması, Seminariyadan aldığımız milli qürurumuzun bərpası olacaq. Bu,
illər öncə yandırılan elm işığının daha gur yanması, ətrafına yeni nəsil
maarifçiləri toplaması deməkdir. Həyata keçiriləcək birgə layihələrlə müasir
təhsil tariximizin növbəti səhifələri məhz burada yazılacaq. Bu, hər bir
qazaxlı üçün qürurvericidir. Bu nümunəvi təşəbbüsə görə ADA
Universitetinin rektoru, səfir Hafiz Paşayevə və əməyi keçən insanlara sonsuz minnətdarlıq
ifadə olunur. Bu gün
sevindirici haldır ki, vaxtilə özünün 17 otaqlı
mülkünü Qazax Müəllimlər Seminariyasına bağışlayan Qazax rayon
Kosalar kənd sakini Məşədi İbrahim Hacı İsmayıl oğlunun yaşadığı ev də təmir
olunur. Məşədi İbrahimin yaşadığı mülkün təmir olunması da
təhsilimizin, elmin inkişafına dəstək olan insanlara verilən qiymət və
dəyərdir. Bu nümunəvi addım Məşədi
İbrahimin timsalında təhsilin inkişaf etməsində əməyi keçən xeyriyyəçi
insanlara olan hörmət və ehtiramın göstəricisidir.
Mayın
11-də Qazax Rayon İcra Hakimiyyətinin başçısı Rəcəb Babaşov icra
aparatının məsul şəxsləri ilə birlikdə Kosalar kəndində olub, təmir olunan
mülkdə görülən işlərlə maraqlanıb. Görülmüş işlərlə tanış olan
rayon rəhbəri işlərin sürətləndirilməsi ilə bağlı aidiyyəti üzrə müvafiq
tapşırıqlarını verib. Məşədi
İbrahimin nəvəsi Şahbəddin Hacıyev babasının yaşadığı mülkün təmir olunmasına
görə razılığını bildirib. Təhsilimizin, elmin inkişafına dəstək olan insanlara
verilən qiymətə, dəyərə, xüsusilə də babasının yaşadığı mülkün bərpa olunmasına
görə öz adından, ailəsi və yaxınları adından minnətdarlıq edib. Bu nümunəvi addımı babası Məşədi İbrahimin timsalında
təhsilin inkişaf etməsində əməyi keçən xeyriyyəçi insanlara olan hörmət və ehtiramın
göstəricisi kimi qiymətləndirib.
GOYEZEN.AZ
Facebook-da paylaş