İcra başçısı Aprel şəhidi baş leytenant Elvin Namazovun ildönümündə məzarını ziyarət edib
2016-cı
ildə Azərbaycanın hərb tarixinə qızıl hərflərlə yazılan şanlı Aprel
döyüşlərindən 6 il ötür. Bu gün xalqımız Aprel döyüşlərini, həmin döyüşün tarixi
əhəmiyyətini, əldə etdiyimiz qələbə sayəsində "Böyük Qayıdış” prosesinə start
verilməsini qürurla xatılayır. Bu, o döyüşdür ki, Lələtəpə yüksəkliyinin azad
edilməsi nəticəsində Cəbrayıl rayonunun Cocuq Mərcanlı kəndində mülki əhalinin
yaşayışı üçün təhlükə tamamilə aradan qaldırıldı. Ən əsası da dövlət başçısının
Cocuq Mərcanlı kəndinin bərpası və əhalinin yerləşdirilməsi ilə bağlı 2017-ci
il 24 yanvar tarixli Sərəncamı ilə "Böyük Qayıdış” prosesinə start verildi. Bu
gün hər bir azərbaycanlı 6 il əvvəl Lələtəpədə ucaldılan üçrəngli bayrağımızın
artıq işğaldan azad edilən Qarabağda, Şuşada, eləcə də digər ərazilərimizdə
dalğalanmasından sonsuz qürur hissi keçirir. Bu gün fəxrlə deyə bilərik ki,
2020-ci ilin 27 sentyabrında başlayıb 10 noyabrında başa çatan 44 günlük Vətən
müharibəsində qazandığımız Qələbənin təməli də məhz 6 il əvvəl qoyuldu. Aprel
döyüşlərinin təcrübəsi, əldə olunan məlumatlar, düşmənin möhkəmləndirilmiş
müdafiə sədlərini keçmək bacarığı bizi qazandığımız uğura apardı. Aprel
döyüşləri düşmənə, onun havadarlarına həm Azərbaycan Ordusunun gücünü, qələbə
əzmini sübut etdi, həm də bütün dünyaya Azərbaycanın tarixi ədaləti bərpa
etməklə öz dədə-baba, əzəli torpaqlarından əl çəkməyəcəyini göstərdi. Aprel
qələbəsi və yekun Zəfərimiz Azərbaycan Silahlı Qüvvələrinin müasir dövrün ən
yaxşı ordularından biri olduğunu nümayiş etdirdi. Aprel döyüşləri zamanı Qazax rayonunun 3 nəfər igid oğlu - Fərəhli kəndindən kapitan Orucov
Mühüd Qurban oğlu, Yuxarı Salahlı kəndindən baş leytenant Namazov Elvin Məmməd
oğlu və Aslanbəyli kəndindən əsgər Əliyev Orxan Məhəmməd oğlu da Şəhidlik adlı uca zirvəyə yüksəldi. Həmin şanlı döyüş zamanı torpaqlarımızın ərazi
bütövlüyü uğrunda qəhrəmancasına şəhid olmuş baş leytenant Namazov Elvin Məmməd oğlunun da xatirəsi hər zaman əziz tutulur, rayon rəhbərliyi tərəfindən anım və doğum günlərində dərin ehtiramla yad olunur. Aprelin
8-də Qazax Rayon İcra Hakimiyyətinin
başçısı Rəcəb Babaşov şəhidin doğulub boya-başa çatdığı Yuxarı Salahlı kəndində olub, igid Vətən oğlunun ildönümü münasibətilə məzarını ziyarət edib. Qazax Rayon İcra
Hakimiyyəti başçısının müavini-İctimai-siyasi və humanitar məsələlər şöbəsinin
müdiri Gulaya Həsənova, həmin şöbənin baş məsləhətçisi Gülnar Quluyeva, RİH başçısı aparatında Vətən müharibəsi iştirakçıları və şəhid ailələri ilə işin təşkili şöbəsinin müdiri, qazi kapitan Samir Çobanov, həmin şöbənin böyük məsləhətçisi Məhəmməd Xəlilli, Yeni Azərbaycan Partiyası Qazax Rayon Təşkilatının sədri Anar Nəbiyev və şəhidimizin ailə üzvləri ilə birlikdə məzarı üstünə tər qərənfillər düzərək şəhidimizin əziz xatirəsini dərin ehtiramla anıb. Şəhidimizin ruhuna dua oxunduqdan sonra icra başçısı onun
büyüyüb boya-başa çatdığı ata ocağına gəlib, igid Vətən oğlu haqqında ürək
sözlərini çatdırıb. İcra başçısı qeyd edib ki, bu gün şəhid Elvin Namazovun uca
bir məqama - Şəhidlik zirvəsinə ucalmasından 6 il ötməsinə baxmayaraq o, daim
bizim qəlbimizdə yaşayır. Onun əziz xatirəsi hər zaman yad edilir. Çünki Elvin
təkcə ata və anasının deyil, bu elin-obanın, bütöv Azərbaycan xalqının oğludur.
Aprel şəhidimiz Elvin Namazov elə bir şanlı yol keçib ki, başda ölkə rəhbəri
olmaqla, hər bir azərbaycanlı onunla fəxr edib, qürur duyur. Rayon rəhbəri Respublika Prezidenti, Ali Baş Komandan
İlham Əliyevin rəhbərliyi altında 44 günlük Vətən müharibəsində ordumuzun
qazandığı nailiyyətlərdən də söz açıb. Rayon rəhbəri tarixi qələbəmizin əldə
olunmasında 2016-cı ilin Aprel döyüşlərinin mühüm əhəmiyyəti olduğunu, "Dəmir
yumruğ”un ilk zərbəsinin məhz həmin döyüş zamanı vurulduğunu qeyd edib. İcra
başçısı illər ötsə belə xalqımızın bizi Qarabağda böyük qələbəmizə aparan şanlı
Aprel döyüşlərini, İyul döyüşlərini, Vətən müharibəsini və həmin döyüşləri
tarixə yazdıran Elvin Namazov kimi oğulları unutmayacağını bildirib. Elvin kimi
qəhrəman oğullarımızın keçdiyi döyüş yolunun böyüməkdə olan gənclərimizə hər
zaman örnək olduğunu vurğulayıb. Şəhid atası Məmməd Namazov şəhid ailələrinə göstərdiyi diqqət və qayğıya görə Prezident İlham Əliyevə, Birinci vitse-prezident Mehriban Əliyevaya və rayon rəhbərliyinə ailəsi adından minnətdarlığını bildirib. Silahlı Qüvvələrin Ali Baş Komandanı İlham Əliyevin rəhbərliyi altında 44 günlük Vətən müharibəsində şanlı ordumuzun qazandığı tarixi qələbədən söz açan şəhid atası oğlu Elvinin, eləcə də bütün şəhidlərimizin qisasının alındığını, şəhidlərimizin ruhunun şad olduğunu bildirib. Namazov Elvin Məmməd oğlu 7
sentyabr 1990-cı ildə Qazax rayonunun Yuxarı Salahlı kəndində anadan
olmuşdur. 2007-ci ildə Zahid Mahmudov adına
Yuxarı Salahlı kənd tam orta məktəbi bitirmişdir. 2008-ci ildə Heydər Əliyev adına
Azərbaycan Ali Hərbi Məktəbinə daxil olmuş, 2012-ci ildə həmin ali məktəbi
leytenant hərbi rütbəsində bitirmişdir. 2013-cü ildə Silahlı Qüvvələrin Təlim
və Tədris Mərkəzində bir illik kursda olmuşdur. 2014-cü ildən Müdafiə
Nazirliyinin Xüsusi təyinatlılardan ibarət "N” saylı hərbi hissəsində
kəşfiyyat komandiri vəzifəsinə təyin olunmuşdur. 2016-cı ildə baş leytenant
hərbi rütbəsi verilmişdir. Elvin
Namazov 3 aprel 2016-cı il tarixdə Tərtər istiqamətində gedən döyüşlərdə erməni
ordusunun hücumunun qarşısının alınması zamanı baş verən şiddətli atışmada
qəhrəmancasına şəhid olmuşdur. 9 apreldə doğulduğu Yuxarı Salahlı kənd
qəbiristanlığında izdihamla dəfn olunmuşdur. Elvin
Namazov ölümündən sonra göstərdiyi
qəhrəmanlığa görə Azərbaycan
Respublikasının Prezidenti İlham
Əliyevin 19 aprel 2016-cı il tarixli Sərəncamına əsasən "Vətən
uğrunda" medalı ilə təltif olunmuşdur. 2016-cı ildə Qazax şəhərinin mərkəzində adına bulaq kompleksi
tikilmişdir. Azərbaycan Respublikasının Prezidenti yanında Qeyri-Hökumət
Təşkilatlarına Dövlət Dəstəyi Şurasının maliyyə yardımı və "Öyrədərək
Öyrənirik" Gənclərin İntellektual İnkişafına Dəstək İctimai Birliyinin
təşkilatçılığı ilə icra olunan "Vətən üçün hazır ol!" layihəsi
çərçivəsində çəkilmiş "Qarabağa doğru" sənədli filmi baş leytenant
Elvin Namazov, kapitan Mühüd Orucov və əsgər Orxan Əliyevin əziz xatirəsinə
həsr olunmuşdur. Tanınmış şairə, publisist Fəridə Ləman
tərəfindən şəhidin xatirəsinə həsr olunmuş "Donmuş təbəssüm” adlı
kitab yazılmışdır. GOYEZEN.AZ
Facebook-da paylaş