Hərbi Prokurorluğun nümayəndələri Novruz bayramı münasibətilə hərbi hissələrdə olublar
Novruz bayramı ərəfəsində Azərbaycan Respublikası Hərbi Prokurorluğunun rəhbər
vəzifəli şəxsləri, Müdafiə Nazirliyinin, Dövlət Sərhəd Xidmətinin, Daxili İşlər
Nazirliyinin Daxili Qoşunlarının və digər hərbi qurumların yüksək rütbəli
zabitləri, hərbi hissələrin dislokasiya olunduğu müvafiq rayonların icra
hakimiyyəti orqanlarının rəhbərləri ilə birgə Vətənin müxtəlif bölgələrində, o
cümlədən 30 ilə yaxın işğal altında olmuş tarixi torpaqlarımızda yerləşən hərbi
hissə və bölmələrdə hərbi qulluqçularla görüşüblər. Qazaxda keçirilən görüşdə Rayon İcra Hakimiyyətinin başçısı Rəcəb
Babaşov və rayonun hüquq-mühafizə orqanlarının rəhbərləri də iştirak
ediblər. Görüşlərdə əvvəlcə Azərbaycanın ərazi bütövlüyü uğrunda canlarını fəda
etmiş şəhidlərimizin əziz və unudulmaz xatirəsini bir dəqiqəlik sükutla yad edilib,
qazilərə şəfa dilənib. Ulu Öndər Heydər Əliyevin uzaqgörən siyasətini dövrün tələblərinə uyğun
davam etdirən Prezident, Müzəffər Ali Baş Komandan İlham Əliyevin rəhbərliyi
ilə ölkəmizin bütün istiqamətlərdə qazandığı uğurlardan, işğaldan azad edilmiş
ərazilərimiz də daxil olmaqla regionlarımızın hərtərəfli inkişafından, qüdrətli
Azərbaycanın əzəmətinin daha da artaraq dünya ölkələri sırasında böyük nüfuz və
söz sahibinə çevrilməsindən bəhs olunub. Qazanılan uğurlarda Azərbaycan
Respublikasının Birinci vitse-prezidenti Mehriban xanım Əliyevanın zəngin
fəaliyyətinin də mühüm əhəmiyyət kəsb etdiyi xüsusi vurğulanıb. Eyni zamanda,
Vətən müharibəsində qazanılan möhtəşəm Qələbə xüsusi vurğulanıb, qürur dolu 44
günün unudulmaz təəssüratları xatırlanıb. Qazax Rayon İcra Hakimiyyətinin başçısı Rəcəb Babaşov çıxış edərək Müzəffər Ali
Baş Komandan İlham Əliyev, Birinci vitse-prezident Mehriban Əliyeva başda
olmaqla, Azərbaycan xalqını, hərbçilərimizi, görüş iştirakçılarını milli bayramımız
olan Novruz bayramı münasibətilə səmimi qəlbdən təbrik edib. Hərbçilərimizin
ünvanına xoş sözlərini çatdıran rayon rəhbəri onlara bayram hədiyyəsi də təqdim
edib. GOYEZEN.AZ
Facebook-da paylaş