Qazaxda icra başçısı Dövlət Sərhəd Xidmətinin Dövlət Sərhəd Qoşunlarında xidmət edən bir qrup hərbi qulluqçunu Fəxri Fərmanla təltif edib
26
İyun - Silahlı Qüvvələr Günü respublikamızın hər yerində olduğu kimi, Qazaxda
da silsilə tədbirlərlə qeyd olunub. Azərbaycan Respublikası
Dövlət Sərhəd Xidmətinin Dövlət Sərhəd Qoşunlarında xidmət edən sərhədçilər də
əlamətdar günü əsl bayram əhval-ruhiyyəsi ilə qeyd ediblər. İyunun 26-da Qazax Rayon İcra Hakimiyyətinin başçısı
Rəcəb Babaşov rayonun hüquq-mühafizə orqanlarının rəhbərləri ilə
birlikdə Sərhəd Qoşunlarının "N” saylı hərbi hissəsində olub, 26 İyun – Silahlı
Qüvvələr Günü münasibətilə səmimi təbriklərini çatdırıb. İcra başçısı Azərbaycan
Respublikası Dövlət Sərhəd Xidmətinin rəisi general-polkovnik Elçin Quliyev başda olmaqla sərhədlərimizin
keşiyində dayanan bütün sərhədçiləri əlamətdar gün münasibətilə təbrik edib, ən
xoş arzularını səsləndirib. Rayon rəhbəri Ulu Öndər Heydər Əliyev tərəfindən qurulan və Ali Baş Komandan İlham Əliyevin
rəhbərliyi ilə qələbə qazanan Azərbaycan Ordusunun şücaətindən, gücündən geniş
bəhs edib. İcra başçısı vurğulayıb ki, Ulu Öndər Heydər Əliyevin əsasını
qoyduğu ordu quruculuğu siyasətini Prezident İlham Əliyev elə bir zirvəyə
ucaldıb ki, bu gün Azərbaycan bütün dünyada nəinki güclü dövlət kimi tanınır,
həm də artıq bizim gücümüzlə hamı hesablaşır. 44
günlük Vətən müharibəsindən söz açan icra başçısı qeyd edib ki, həmin
döyüşlərdə güclü Azərbaycan Ordusu istənilən döyüş tapşırığını, hücum
əməliyyatını yerinə yetirməyə qadir olduğunu nümayiş etdirdi. Qazandığımız
tarixi Qələbənin müəllifi isə Prezident, Müzəffər Ali Baş Komandan İlham Əliyev
və şanlı Azərbaycan Ordusunun əsgər və zabitləri, hərbçilərimiz, Vətən uğrunda
canından keçən şəhidlərimiz, sağlamlığını itirən qazilərimizdir. "İşğaldan
azad olunmuş torpaqlarımızda, eləcə də digər sərhədlərimizin keşiyində dayanan
sərhədçilərimizin də əməyi böyükdür”, - deyən icra başçısı çətin və şərəfli
işlərində onlara uğurlar arzulayıb. Sonra
26 İyun – Silahlı Qüvvələr Günü münasibətilə xidmətlərində yüksək nəticələr
əldə etmiş "Qazax” Əlahiddə Sərhəd
Diviziyasının bir qrup hərbi qulluqçusuna Qazax Rayon İcra Hakimiyyəti
başçısının Fəxri Fərmanları təqdim olunub. Dövlət Sərhəd Xidməti "Qazax” Əlahiddə Sərhəd
Diviziyasının komandiri Müzəffər Pirizadə səmimi
təbriklərə və onlara göstərilən qayğıya görə rayon rəhbərliyinə minnətdarlığını
bildirib. GOYEZEN.AZ
Facebook-da paylaş