Kamran Nəbizadə və Firdovsi Umudov “Bir müəllimin manifesti” layihəsi çərçivəsində əsaslı təmir olunan Qazax Müəllimlər Seminariyasında olublar
Dekabrın 3-də Qazax Rayon İcra Hakimiyyətinin
başçısı Rəcəb Babaşov, rayonumuzda qonaq olan keçmiş deputat Kamran
Nəbizadə və Azərbaycan Güləş Federasiyasının I vitse-prezidenti, Şöhrət ordenli, Tərəqqi
medallı "Azərbaycan
Respublikası Prezidentinin Fəxri Diplomu" təltifli idman
ustası, Dövlət Sərhəd Xidmətinin
polkovnik-leytenantı Firdovsi Umudov Vətən müharibəsi şəhidlərinin xatirəsinə
yaradılmış Abidə Kompleksini ziyarət ediblər. Rayon rəhbəri Vətən müharibəsi şəhidlərinin
adlarının əbədiləşdirilməsi istiqamətində görülmüş işlərdən danışaraq Qazax Rayon İcra Hakimiyyətinin təşəbbüsü və dəstəyi
ilə "Göyəzən” qəzetinin baş redaktoru, şair-publisist Elçin İsmayıl tərəfindən
Vətən müharibəsi şəhidlərinə həsr olunmuş "Qanları ilə dastan
yazanlar" kitabının yazıldığını, Qazax
Tarix-Diyarşünaslıq Muzeyində Birinci və İkinci Qarabağ müharibəsi zamanı Vətən
uğrunda canlarından keçən 339 nəfər şəhidin xatirəsinə guşənin yaradıldığını,
şəhərin mərkəzində yerləşən Şəhidlər xiyabanında Vətən müharibəsi şəhidlərinin
lövhələrinin vurulduğunu bildirib. 27 sentyabr Anım Günündə açılışı olan Abidə
Kompleksinin Vətən, xalq, dövlət yolunda canını fəda edən oğullarımızın
xatirəsini əbədiləşdirən müqəddəs bir məkana çevrildiyini qeyd edib. Komplekslə tanış olan qonaqlar qəhrəman
oğullarımızın gələcək nəsillərə tanıdılması istiqamətində yaradılan Abidə Kompleksini yüksək qiymətləndiriblər. Şəhidlərimizin
adlarının yaşadılması üçün atılan nümunəvi
addıma görə rayon rəhbərliyinə minnətdarlıq edib, təqdirəlayiq iş kimi
dəyərləndiriblər. Sonra şəhərin mərkəzində yerləşən Şəhidlər
xiyabanını ziyarət edən qonaqlar igid Vətən oğullarının əziz xatirələrini
ehtiramla anıb, onların xalqımızın qəlbində əbədi yaşayacaqlarını bildiriblər. Daha sonra ADA Universitetinin "Bir müəllimin manifesti” layihəsi
çərçivəsində əsaslı təmir olunan Qazax Müəllimlər Seminariyasında da olub,
görülmüş işlərlə yaxından maraqlanıblar. Görülmüş işlərlə tanış olan qonaqlar ADA
Universitetinin "Bir müəllimin manifesti” təşəbbüsü çərçivəsində
tariximizin incisi olan Qazax Müəllimlər Seminariyasının binasını bərpa etməsini
bir qazaxlı olaraq sonsuz minnətdarlıq hissi ilə qarşıladıqlarını
vurğulayıblar. Vaxtilə Firudin bəy Köçərlinin misilsiz çətinliklər bahasına
qurduğu və ilk direktoru olduğu Seminariya binasının bərpasını, əslində,
Azərbaycanda maarifçilik irsimizin və Seminariyadan aldığımız milli qürurumuzun
bərpası kimi qiymətləndiriblər. Bu nümunəvi təşəbbüsə görə ADA
Universitetinin rektoru, səfir Hafiz Paşayevə və əməyi keçən insanlara bir daha
minnətdarlıq ifadə olunub. GOYEZEN.AZ
Facebook-da paylaş