İcra başçısı Vətən müharibəsi şəhidlərinin adlarını əbədiləşdirən Abidə Kompleksini ziyarət edib
2020-ci ilin 27 sentyabrı Azərbaycanın hərb tarixinə
və xalqımızın yaddaşına əbədi həkk olundu. Məhz həmin gün İkinci Qarabağ
müharibəsinə, Vətən müharibəsinə, haqq savaşımıza başladıq. Rəşadətli Azərbaycan Ordusunun
44 günlük Vətən müharibəsində Müzəffər Ali Baş Komandan İlham Əliyevin rəhbərliyi
altında düşməni darmadağın edərək torpaqlarımızı azad etməsi hər birimizə
sonsuz qürur və sevinc hissi yaşatdı. 44 günlük haqq savaşında Prezident, Müzəffər
Ali Baş Komandan İlham Əliyevin rəhbərliyi altında şanlı ordumuz dədə-baba
torpaqlarımızı düşmən tapdağından azad etdi. Yaddaşlara qızıl hərflərlə yazılan 44 günlük
müharibədə şanlı Azərbaycan Ordusu cənab Prezident İlham Əliyevin Ali Baş
Komandanlığı ilə 30 ildən artıq davam edən erməni işğalına birdəfəlik son
qoydu. Dövlətimizin başçısı, Müzəffər Ali Baş Komandan İlham Əliyevin
qətiyyəti, məğrur və yenilməz xalqımızın iradəsi, rəşadətli ordumuzun gücü,
birliyimiz, həmrəyliyimiz sayəsində 44 gündə Azərbaycan dövləti bütün dünyaya
necə güclü, qüdrətli bir dövlət olduğumuzu sübut etdi. "Qarabağ
Azərbaycandır!” deyərək haqq savaşına çıxdığımız Vətən müharibəsi xalqımızın 30
illik torpaq həsrətinə son qoymaqla yanaşı, Azərbaycanda illərdir güclü ordunun
formalaşdığını hər kəsə bir daha nümayiş etdirdi. Dövlətimizin müstəqilliyi, torpaqlarımızın
ərazi bütövlüyü uğrunda canından keçən igid Vətən oğullarının xatirəsi Qazaxda hər
zaman əziz tutulur. Şəhidlərimizə, onların ailə üzvlərinə olan qayğı həmişə
yüksək səviyyədədir. Bu, rayon rəhbərinin fəaliyyətə başladığı ilk gündən
şəhidlərimizin ailə üzvlərinə daim qayğı ilə yanaşmasında, şəhidlərimizin
uyuduğu qəbiristanlıqların, onların xatirəsinə ucaldılmış abidələrin,
parkların, bulaqların, xiyabanların abadlaşdırılmasında, yenilənməsində, əsaslı
şəkildə təmir edilməsində aydın şəkildə özünü göstərir. Hər kəsin üz tutduğu
müqəddəs məkanda, şəhərin mərkəzində yerləşən Şəhidlər xiyabanında aparılan
abadlıq işləri, şəhidlərimizin adı və şəkli əks olunmuş lövhənin vurulması bu
istiqamətdə görülən işlərin bariz nümunəsidir. Rayonda şəhidlərimizin adlarının
əbədiləşdirilməsi istiqamətində həyata keçirilən nümunəvi işlərdən biri də Qazax
Tarix-Diyarşünaslıq Muzeyində Birinci və İkinci Qarabağ müharibəsi zamanı Vətən
uğrunda canlarından keçən 338 nəfər şəhidin xatirəsinə yaradılmış guşə oldu. Muzeyin
ikinci mərtəbəsində yaradılan bu guşə bu gün hər kəsin ziyarət etdiyi bir
ünvandır. Qazaxda bütün şəhidlərimizlə yanaşı, 44 günlük Vətən
müharibəsində Müzəffər Ali Baş Komandan İlham Əliyevin rəhbərliyi altında
adlarını hərb tariximizə və xalqımızın qəlbinə qanları ilə əbədi yazdıran igid
oğullarımızın xatirəsi də daim əziz tutulur. 44 günlük savaşda qazandığımız
tarixi nailiyyətə görə Ali Baş Komandana, onun rəhbərliyi altında bizləri
Qələbə ilə sevindirən Azərbaycan Ordusunun əsgər və zabitlərinə,
hərbçilərimizə, Vətən uğrunda sağlamlığını itirən qeyrətli, cəsur qazilərimizə,
canından keçən şəhidlərimizə bir ömür boyu minnətdar və borclu olduğumuz hər
zaman xatırlanır. Ən əsası da minnətdar olmaqla yanaşı, Vətən uğrunda
canlarından keçən şəhidlərimizin adlarını yaşatmaq, gələcək nəsillərə tanıtmaq,
şəhidlərimizin ailələrinə sahib çıxmaq, onları daim yad etmək müqəddəs amal hesab
edilir. Qazax Rayon İcra Hakimiyyətinin təşəbbüsü və dəstəyi
ilə "Göyəzən” qəzetinin baş redaktoru, şair-publisist Elçin İsmayıl tərəfindən
Vətən müharibəsi şəhidlərinə həsr olunmuş "Qanları ilə dastan
yazanlar" kitabının yazılması, Qazax
Tarix-Diyarşünaslıq Muzeyində yaradılmış guşədə Vətən müharibəsi
şəhidlərinin yer alması şəhidlərimizə olan
hörmət və etiramın təcəssümüdür. 44 günlük Vətən müharibəsində qanları ilə tarix yazan
igid oğullarımızın əziz xatirələrini əbədiləşdirmək
üçün inşa olunan Abidə Kompleksi də bu sahədə atılan nümunəvi addımlardan
biridir. Şəhərin Nəriman Nərimanov küçəsində yaradılan bu Abidə
Kompleksi müstəqil Azərbaycanın suverenliyi,
torpaqlarımızın ərazi bütövlüyü uğrunda canından keçən qəhrəmanlarımızı gələcək
nəsillərə tanıtmaq üçün görülən təqdirəlayiq bir işdir. 27 sentyabr Anım Günündə
açılışı olan Abidə Kompleksi Vətən, xalq, dövlət naminə canını fəda edən
oğullarımızın xatirəsini əbədiləşdirən müqəddəs bir məkandır. Şəhərin
mərkəzində yerləşən Şəhidlər xiyabanından, Qazax Tarix-Diyarşünaslıq Muzeyində
Birinci və İkinci Qarabağ müharibəsi zamanı Vətən uğrunda canlarından keçən
şəhidlərimizin xatirəsinə yaradılmış guşədən sonra inşa olunan bu Abidə
Kompleksi şəhidlərimizin ruhuna olan böyük hörmət və ehtiramı uzun illər özündə
əks etdirəcək. Bu gün bu məkan nəinki rayon sakinləri, eləcə
də Qazaxa qonaq gələn hər kəs tərəfindən ziyarət olunur, bu müqəddəs ünvana üz
tutan hər kəs şəhidlərimizə olan ehtiramlarını bildirir, ruhları qarşısında baş
əyirlər.
Bu gün Qazax Rayon İcra Hakimiyyətinin başçısı Rəcəb Babaşov Vətən müharibəsi şəhidlərinin xatirəsinə yaradılmış
Abidə Kompleksini ziyarət edib. Aidiyyatı şəxslərlə birlikdə şəhidlərimizin
şəkillərinin nümayiş olunacağı monitorun qoyulacağı yerə baxıb, görülməsi
nəzərdə tutulan işlərlə bağlı müvafiq tapşırıqlarını verib. Qəhrəman oğullarımızın gələcək nəsillərə
tanıdılması istiqamətində yaradılan Abidə Kompleksi rayon sakinləri tərəfindən də yüksək
qiymətləndirilir.
GOYEZEN.AZ
Facebook-da paylaş