İcra başçısı İkinci Şıxlı kənd 2 saylı Körpələr Evi-Uşaq bağçasında olub
Bu gün ölkəmizdə əsası Ulu Öndər Heydər Əliyev
tərəfindən qoyulmuş uşaq siyasəti uğurla davam etdirilməkdədir. Respublika Prezidenti İlham Əliyevin, Birinci
vitse-prezident Mehriban Əliyevanın uşaq və yeniyetmələrə, gənclərə göstərdiyi
dövlət qayğısı bir daha onu sübut edir ki, bu sahə prioritet sahələrdən
biridir. Son illər respublikamızın
bütün bölgələrində yeni məktəblərin,
körpələr evi-uşaq bağçalarının inşası ilə bağlı imzalanan çoxsaylı Sərəncamlar,
həyata keçirilən layihələr də bunu deməyə əsas verir. Onu da əminliklə qeyd edə bilərik ki, ölkə rəhbərinin
regionlarda uşaq bağçalarının tikintisi ilə bağlı verdiyi tapşırıq və
tövsiyələr Qazaxda da uğurla icra edilir. Qazaxda uşaqlara göstərilən qayğının
əyani sübutu bu gün rayonda mövcud olan 25 məktəbəqədər təhsil müəssisəsindən
(6-sı şəhər, 19-u kənd üzrə) 21-nin müasir tələblərə cavab verən səviyyədə
olmasıdır. Təqdirəlayiq hal isə odur ki, Qazaxda rayon rəhbərliyi tərəfindən bütün
sahələrdə olduğu kimi, gələcəyimiz olan uşaqlara göstərilən diqqət və qayğı da
yüksək səviyyədədir. İlk gündən bağçalarda yaradılan şərait, uşaqlara verilən
ərzaqların keyfiyyətinə xüsusi həssaslıqla yanaşılması bu dediklərimizin bariz
nümunəsidir.
Bu gün Qazax Rayon İcra Hakimiyyətinin
başçısı Rəcəb Babaşov İkinci Şıxlı kənd 2 saylı Körpələr
Evi-Uşaq bağçasında olub. Körpələr üçün yaradılan şəraitlə,
uşaqların davamiyyəti, tibbi müayinə olunmaları, ərzaq təminatının mövcud
vəziyyəti, keyfiyyəti ilə maraqlanıb. Rayon rəhbərliyi Pandemiya ilə əlaqədar xüsusi karantin rejiminin
tələblərinə, bağçalarda təmizlik
və dezinfeksiya işlərinin aparılmasına, hər gün işçi heyətin və uşaqların
temperaturunun ölçülməsinə, sanitar-gigiyena qaydalarına ciddi şəkildə əməl
edilməsinə, ərzaqların keyfiyyətinə diqqətin artırılmasını bildirib. Bağça müdiri Lalə
Qurbanova ölkəmizdə uşaqların sosial müdafiəsinin
gücləndirilməsi ilə bağlı göstərdiyi diqqət və qayğıya görə ölkə başçısı İlham
Əliyevə, Birinci vitse-prezident Mehriban Əliyevaya rəhbərlik etdiyi kollektiv
və valideynlər adından minnətdarlığını bildirib. Rəhbər təyin olunduğu ilk
gündən körpə balalara göstərdiyi səmimi münasibətə görə rayon rəhbərliyinə
sonsuz təşəkkürünü çatdırıb.
GOYEZEN.AZ
Facebook-da paylaş