İcra başçısı Dəmirçilər kənd Körpələr Evi-Uşaq bağçasında uşaqlara göstərilən qayğı ilə maraqlanıb
Ölkəmizdə Respublika
Prezidenti İlham Əliyevin, Birinci vitse-prezident Mehriban Əliyevanın uşaq və yeniyetmələrə, gənclərə göstərdiyi
dövlət qayğısı onu deməyə əsas verir ki, bu sahə hər zaman prioritet sahələrdən
biri olub. Bu gün hər birimiz əsası Ulu Öndər Heydər Əliyev tərəfindən qoyulmuş
uşaq siyasətinin ölkə başçısı və Birinci vitse-prezident Mehriban Əliyeva tərəfindən
layiqincə davam etdirilməsinin şahidiyik ki, bu, son
illər respublikamızın bütün bölgələrində yeni məktəblərin, körpələr evi-uşaq bağçalarının inşası ilə
bağlı imzalanan çoxsaylı Sərəncamlarda özünü aydın şəkildə göstərir. Onu da əminliklə qeyd edə bilərik ki, ölkə rəhbərinin
regionlarda uşaq bağçalarının tikintisi ilə bağlı verdiyi tapşırıq və
tövsiyələr Qazaxda da uğurla icra edilir. Qazaxda uşaqlara göstərilən diqqət və
qayğının əyani sübutu bu gün rayonda mövcud olan 25 məktəbəqədər təhsil
müəssisəsindən (6-sı şəhər, 19-u kənd üzrə) 21-nin müasir tələblərə cavab verən
səviyyəyə çatdırılmasıdır. Təqdirəlayiq hal isə odur ki, Qazaxda rayon
rəhbərliyi tərəfindən bütün sahələrdə olduğu kimi, gələcəyimiz olan uşaqlara
göstərilən diqqət və qayğı da yüksək səviyyədədir. İlk gündən bağçalarda
yaradılan şərait, uşaqlara verilən ərzaqların keyfiyyətinə xüsusi həssaslıqla
yanaşılması bu dediklərimizin bariz nümunəsidir.
Bu gün Qazax Rayon İcra Hakimiyyətinin
başçısı Rəcəb Babaşov Dəmirçilər kənd Körpələr Evi-Uşaq
bağçasında olub. Körpələr üçün yaradılan şəraitlə, uşaqların
davamiyyəti, tibbi müayinə olunmaları, ərzaq təminatının mövcud vəziyyəti,
keyfiyyəti ilə maraqlanıb. Rayon rəhbərliyi Pandemiya ilə əlaqədar xüsusi karantin rejiminin
tələblərinə, bağçalarda təmizlik
və dezinfeksiya işlərinin aparılmasına, hər gün işçi heyətin və uşaqların
temperaturunun ölçülməsinə, sanitar-gigiyena qaydalarına ciddi şəkildə əməl
edilməsinə, ərzaqların keyfiyyətinə diqqətin artırılmasını bildirib. Bağça müdiri Elnarə Qurbanova ölkəmizdə uşaqların
sosial müdafiəsinin gücləndirilməsi ilə bağlı göstərdiyi diqqət və qayğıya görə
ölkə başçısı İlham Əliyevə, Birinci vitse-prezident Mehriban Əliyevaya rəhbərlik
etdiyi kollektiv və valideynlər adından minnətdarlığını bildirib. Rəhbər təyin
olunduğu ilk gündən körpə balalara göstərdiyi səmimi münasibətə görə rayon rəhbərliyinə
sonsuz təşəkkürünü çatdırıb.
GOYEZEN.AZ
Facebook-da paylaş