Ağköynək kənd sakinlərinin su ilə bağlı müraciəti müsbət həll olunacaq
Bu gün tam əminliklə deyə bilərik ki, ölkə Prezidenti cənab
İlham Əliyevin yürütdüyü dövlət siyasətinin əsasında vətəndaş amili dayanır.
Ölkə başçısının rəhbər vəzifəli şəxsləri
qəbul edən zaman dövlət məmurlarına daim vətəndaşlarla təmasda olmaları, bütün
kəndləri gəzmələri, kənd camaatı ilə görüşmələri, vətəndaşların
ərizə və müraciətlərinə, onları narahat edən problemlərə həssaslıqla
yanaşılması barədə aidiyyatı üzrə verdiyi
tapşırıq və tövsiyələr də hər bir dövlət məmurunun iş fəaliyyətinin əsasını
təşkil edir. Həyata keçirilən bütün
işlərdə, uğurla icra edilən layihələrdə vətəndaş məmnunluğuna önəm verilir ki,
bu da qaldırılan məsələlərə operativ şəkildə baxılmasında, edilən müraciətlərin
müsbət həll olunmasında özünü aydın şəkildə göstərir. Bu gün Qazaxda da vətəndaş
amili, sakinlərin mövqeyi əsas götürülür. Rayon rəhbərinin vətəndaşlara göstərdiyi
qayğı, sakinlərin qaldırdıqları hər bir məsələyə daim həssaslıqla yanaşması bu
dediklərimizin bariz nümunəsidir. Ötən gün Qazax Rayon İcra Hakimiyyətinin
başçısı Rəcəb Babaşovun bir qrup Ağköynək kənd sakinlərinin yaşadıqları əraziyə
su çəkilməsi ilə bağlı müraciətlərinə yerində baxması, qaldırılan
məsələnin araşdırılması, həlli üçün mövcud imkanların öyrənilməsi və
müsbət həll olunması istiqamətində aidiyyatı üzrə müvafiq
tapşırıqlar verməsi barədə məlumat vermişdik. Vətəndaşlara olan qayğının bariz
nümunəsidir ki, sakinlərin qaldırdığı məsələ müsbət həll olunacaq, 100-dən çox
ailənin yaşadığı əraziyə su xətti çəkiləcək. Bu gün Qazax Rayon İcra Hakimiyyətinin
başçısı Rəcəb Babaşov icra aparatının məsul şəxsləri, "Azərsu” ASC-nin nümayəndəsi İlham Quliyev,
"Akkord Sənaye Tikinti İnvestisiya Korporasiyası” ASC-nin tikinti
üzrə baş direktorunun müavini Anar Məmmədov, 8 saylı Tovuz Regional
SuKanal İdarəsinin rəisi Darvin Hüseynov, Qazax şəhərinin su təchizatı və
kanalizasiya sistemlərinin tikintisi layihəsinin sahə rəisi Toğrul Nərimanov, 8
nömrəli Regional Sukanal İdarəsinin Qazax Sukanal sahəsinin rəisi Alı Hüseynov və digər
aidiyyatı şəxslərlə birlikdə Ağköynək kəndində
olub, vətəndaşların qaldırdığı məsələnin yaxın günlərdə həll olunacağını
bildirib. Su xəttinin çəkilişi ilə bağlı müvafiq işlərin görüləcəyini və qısa
vaxtda işlərə başlanılacağını qeyd edib. "Hər bir dövlət məmurunun əsas vəzifəsi ölkə
başçısının siz vətəndaşlara olan qayğısını çatdırmaq, hiss etdirmək, əməli
işlərimizlə göstərməkdir , - deyən icra başçısı onlara göstərilən qayğının
bundan sonra da olduğu kimi davam etdiriləcəyini, edilən müraciətlərə
həssaslıqla yanaşılacağını vurğulayıb. Görülmüş işlərin vətəndaş məmnunluğuna
xidmət etdiyini söyləyib. Kənd sakinlərindən Taleh Salehov və başqalarıçıxış edərək onlara
göstərilən diqqətə, qayğıya, müraciətlərinə operativ şəkildə baxılmasına,
müsbət həlli üçün atılan addımlara görə ölkə Prezidenti İlham Əliyevə və rayon
rəhbərliyinə minnətdarlıqlarını bildiriblər. GOYEZEN.AZ
Facebook-da paylaş