Vətəndaş məktubundan: “Sizin kimi humanist, Vətənini və xalqını sevən Prezidentimizin olması ilə qürur duyuruq”
Məqsəd Nağıyevdən, Hörmətli cənab Prezident. Sizin xalqımızın sosial rifahının yüksəldilməsi
istiqamətində atdığınız addımlar çox sevindirici və fərəhləndiricidir.
Vətəndaşların problemlərinin həllinə xüsusi önəm verməyiniz, müraciətlərinə
həssas yanaşmağınız onlara göstərdiyiniz diqqət və qayğının əyani təsdiqidir. Möhtərəm Prezident, ölkəmizin gündən-günə inkişaf
etməsi, əhalinin həyat şəraitinin yaxşılaşması Sizin uzaqgörən siyasətinizin,
həyata keçirdiyiniz hərtərəfli islahatların nəticəsidir. Gördüyünüz bütün
işlərin dövlətimizin və xalqımızın parlaq gələcəyinə xidmət etdiyini görür və
bunu alqışlayırıq. Biz Sizin siyasətinizi daim dəstəkləmişik və bundan sonra da
dəstəkləyəcəyik. Sizin kimi humanist, Vətənini və xalqını sevən Prezidentimizin
olması ilə qürur duyuruq. Cənab Prezident, xalqa göstərdiyiniz qayğıya görə çox
sağ olun. Sizə möhkəm cansağlığı, uzun ömür, yorulmaz fəaliyyətinizdə yeni
müvəffəqiyyətlər arzulayıram. Hörmətlə, Məqsəd Nağıyev Azərbaycan Respublikası, Qazax rayonu, Çaylı
kəndi. 30 avqust
2021-ci il
Facebook-da paylaş