Vətəndaş məktubundan: “Cənab Prezident, Siz torpaqlarımızı işğaldan azad etməklə bərabər, məcburi köçkünlərin mənəvi hisslərini də özlərinə qaytarmış oldunuz”
Zərbəçi Xasayev və başqalarından, Hörmətli cənab Prezident. Sizin respublikamızın çiçəklənməsi və
xalqımızın rifahı yolunda atdığınız addımlar, gördüyünüz işlər hər bir Azərbaycan
vətəndaşı kimi, biz məcburi köçkünlərin də ürəyini qürur və fəxarət hissi ilə
doldurur. Məcburi köçkün ailələrinə göstərdiyiniz qayğının təzahürü olaraq
Sizin sərəncamlarınıza əsasən on minlərlə məcburi köçkünün mənzil-məişət
şəraiti yaxşılaşdırılmışdır. Müasir qəsəbələr salınmışdır. O cümlədən Qazax
rayonunda hər bir şəraiti olan qəsəbə 2016-cı ildə məcburi köçkünlərin
istifadəsinə verilmişdir. Məcburi köçkünlər həyatın hər anında Sizin qayğınızı
hiss edirlər. Cənab Prezident, 44 günlük Vətən müharibəsi
Sizin rəhbərliyinizlə Azərbaycan Ordusunun gücünü, qüdrətini, xalqımızın
birliyini, bütövlüyünü bütün dünyaya nümayiş etdirdi. "Dəmir yumruq” düşmənə
elə bir sarsıdıcı zərbə vurdu ki, uzun illər çətin özlərinə gələ bilərlər. Siz
torpaqlarımızı işğaldan azad etməklə bərabər, məcburi köçkünlərin mənəvi
hisslərini də özlərinə qaytarmış oldunuz. Cənab Prezident, məcburi köçkünlərə
göstərdiyiniz diqqət və qayğıya görə Sizə dərin minnətdarlığımızı bildirir,
uzun ömür, Azərbaycanımızın çiçəklənməsi, inkişafı və tərəqqisi yolunda yeni
müvəffəqiyyətlər arzulayırıq. Məcburi köçkünlər adından hörmətlə, Xasayev Zərbəçi Məmliyev Elman Cəfərov İsrafil Hacıyev Nüsrəddin Hüseynov Novruz və başqaları (40 nəfər). Azərbaycan Respublikası, Qazax rayonu. 6
iyul 2021-ci il
Facebook-da paylaş