Sərhəd kəndi Fərəhlidə yaşayan sakinlər Ali Baş Komandanın və Ordumuzun yanında olduqlarını bildirirlər
Hüseyn Həsənov və başqalarından,
Hörmətli
cənab Prezident.
Bizim yaşadığımız Qazax rayonunun Fərəhli kəndi iki
tərəfdən Ermənistanla sərhəddə, rayon mərkəzindən 25 kilometir məsafədə
yerləşir. Kəndin əhalisi 1992-ci il iyunun 8-dən məcburi köçkün kimi qeydə
alınaraq, rayonun müxtəlif ərazilərində məskunlaşmışdı. Ulu Öndər hakimiyyətə
gəldikdən sonra sərhəd kəndlərinə çox böyük diqqət və qayğı göstərdi, mənfur
qonşularımız tərəfindən dağıdılmış evlər 1993-1994-cü illərdə bərpa olundu və
kənd əhalisi öz evlərinə qayıtdı.
Hörmətli Prezident, Sizin ölkə əhalisinin sosial
rifahının yüksəldilməsi üçün gördüyünüz işlərin miqyası gündən-günə genişlənir.
Sosial sahədə atılan hər bir addım Azərbaycan vətəndaşlarının maraqlarının
dövlətin həyata keçirdiyi siyasətin mərkəzində dayandığını bir daha
təsdiqləyir. Bir ildə iki böyük paket çərçivəsində ölkədə minimum əməkhaqqı iki
dəfə artırılıb. Digər sahələrdə də keçirdiyiniz islahatlar, əhalinin yaşayış
səviyyəsinin yaxşılaşması göstərir ki, ölkəmiz dinamik inkişaf etməkdədir. Son
bir neçə ildə Qazax rayonunun bütün kəndlərində çox böyük işlər görülmüşdür.
Yeni məktəb binalarının tikintisi və əsaslı təmiri, yolların əsaslı təmiri,
əhalinin təhlükəsizliyini təmin etmək məqsədilə yeni polis məntəqələrinin
tikintisi, içməli su xətlərinin çəkilməsi, subartezian quyularının qazılması,
mərkəzi xəstəxananın tikintisi, qaz xətlərinin yenilənməsi, elektirik
xətlərinin SİB kabellə əvəz olunması, Qazax şəhərində su-kanalizasiya
sisteminin yenidən qurulması və görülmüş bütün işlər buna əyani sübutdur.
Hazırda bu işlər davam etdirilir.
Hörmətli cənab Ali Baş Komandan, biz, Qazax rayon
Fərəhli kənd sakinləri hər dəfə doğma torpaqlarımızın düşməndən azad edilməsini
Sizin televiziya ilə çıxışlarınızdan izləyərək sevinir və alqışlayırıq.
Bildirmək istəyirik ki, bu tarixi günlərdə Fərəhli kəndinin qəhrəman övladları
da torpaqlarımızın işğalçı düşməndən təmizlənməsində iştirak edirlər.
Yaşımızdan asılı
olmayaraq, hər birimiz torpaqlarımızın işğalçı düşməndən təmizlənməsi üçün
Sizin əmrinizə hazırıq.
Ölkəmizin yaşadığı bu zəfər günlərində düşmənlə 30 kilometr
sərhədi olan Fərəhli kəndinin avtomobil yolunda yenidənqurma işləri aparılaraq
asfalt örtüyü vurulur. Bu isə Sizin ən çətin vaxtlarda belə, əhalinin qayğısına
qaldığınızın baris nümunəsidir.
Hörmətli Prezident, cənab Ali Baş Komandan, Sizə
apardığınız bu haqq savaşında və bütün işlərinizdə uğurlar arzulayaraq, Fərəhli
kəndinin əhalisi adından Allahdan Sizə və xalqımıza zəfər diləyir,
əsgərlərimizə dua edirik. Sizdən Qələbə müjdəsi gözləyirik.
Ulu Tanrı Sizi və xalqımızı qorusun.
Yaşasın Azərbaycan! Qarabağ Azərbaycandır!
Hörmətlə,
Həsənov Hüseyn
Məmmədov Hacı
Həsənov Kamal
İsgəndərov Alı
Məmmədov Mustafa
Daşdəmirov Kərim
Həsənov Alı
Abdullayev Mustafa
Vəliyev Nəsimi
Daşdəmirov Eltun
İsmayılov Qəzənfər
Azərbaycan Respublikası, Qazax rayonu, Fərəhli kəndi.
Facebook-da paylaş