Ermənistanın əsl simasını bütün dünyaya çatdırmaq üçün hər kəs səfərbər olmalıdır
Bu gün cənab Prezident, Ali Baş Komandan İlham
Əliyevin rəhbərliyi altında Azərbaycan Ordusunun cəbhədə
Ermənistan silahlı qüvvələrinə sarsıdıcı zərbələr vurması, bir sıra yaşayış məntəqələrini
azad etməsi, əldə edilən digər qələbələr hər bir ölkə vətəndaşı tərəfindən
böyük sevinclə qarşılanır. Respublikamızın hər yerində olduğu kimi, Qazax sakinləri də Ali Baş Komandanın və şanlı Ordumuzun yanında
olduqlarını, daim dəstəklədiklərini bildirirlər. Bunu istər ölkə Prezidenti İlham Əliyevə yazdıqları məktublarda,
istərsə də istənilən söhbət zamanı ifadə edirlər. Bu gün Qazax Rayon İcra Hakimiyyətinin başçısı Rəcəb Babaşovun şəhərin mərkəzində
yerləşən "Fəxri Qazaxlılar” parkındasakinlərlə olan görüşündə səslənən
fikirlər, deyilən sözlər də bunun bariz nümunəsidir.
Rayonda aparılan abadlıq və
quruculuq işlərini razılıq hissi ilə qarşılayan sakinlər öncə bütün bu işlərə
görə ölkə başçısı İlham Əliyevə dərin minnətdarlıqlarını bildiriblər. Vətəndaşlara göstərilən diqqəti, qayğını yüksək
qiymətləndirərək onlara olan səmimi münasibətə görə rayon rəhbərinə
razılıqlarını ifadə ediblər. Son günlər cəbhədə baş verən hadisələrdən danışan sakinlər ölkə
Prezidentinin yanında olduqlarını, ətrafında sıx birləşdiklərini dilə gətiriblər.
Ölkə başçısının rəhbərliyi altında şanlı Ordumuzun qazandığı qələbələri sevinc
hissi ilə qarşıladıqlarını söyləyiblər. Qarşıda daha böyük zəfərlərin gözlədiyini
və üçrəngli bayrağımızın işğaldan azad olunmuş bütün ərazilərimizdə, eləcə də
Qazaxın 7 kəndində sancılacağı günün uzaqda olmadığını bildiriblər. Mənfur
düşmənin son günlər Gəncədə, eləcə də ölkənin digər şəhər və rayonlarında dinc əhaliyə
qarşı törətdikləri vəhşilikləri, cinayətləri pislədiklərini qeyd edən sakinlər
həmin cinayətlərin bütün dünyaya çatdırılmasını istəyiblər. Ermənistanın əsl
simasını bütün dünyaya çatdırmaq və düşmənin layiqli cavabını alması üçün hər kəsin
bir nəfər kimi səfərbər olmasını qeyd ediblər. Bu yolda yaşından, mövqeyindən
asılı olmayaraq hər bir ölkə vətəndaşının Prezidentin ətrafında bir yumruq kimi
birləşərək həmrəylik nümayiş etdirməsinin vacibliyini bir daha vurğulayıblar. Hər
an buna hazır olduqlarını və dəstəklərini əsirgəmədiklərini bildiriblər. Sakinlərin
qayğıları ilə maraqlanan rayon rəhbəri onlara göstərilən diqqət və qayğının
bundan sonra da yüksək səviyyədə olacağını bildirib. GOYEZEN.AZ
Facebook-da paylaş