Bu gün Azərbaycan Respublikası Milli Məclisinin Beynəlxalq münasibətlər və parlamentlərarası əlaqələr komitəsinin sədri, millət vəkili Səməd Seyidov Qazaxda aparılan abadlıq işləri ilə tanış olub. Ölkə Prezidenti cənab İlham Əliyevin rəhbərliyi altında regionların sosial-iqtisadi inkişafına dair qəbul edilmiş çoxsaylı Dövlət Proqramlarının uğurlu icrası nəticəsində Qazaxda genişmiqyaslı abadlıq-quruculuq işlərinin aparılmasını yüksək qiymətləndirib. Ölkə rəhbərinin birbaşa göstərişi, diqqət və qayğısı sayəsində Qazaxda şəhərin içməli su və kanalizasiya sisteminin yenidən qurulması layihəsinin uğurla icra olunmasını vətəndaşlara göstərilən qayğı kimi qeyd edib.

Qazax Rayon İcra Hakimiyyətinin başçısı Rəcəb Babaşov "Azərsu” Açıq Səhmdar Cəmiyyəti tərəfindən şəhərdə nəinki su və kanalizasiya xətlərinin çəkilişinin aparıldığını, eləcə də işlərin başa çatdırıldığı küçələrdə abadlıq işlərinin görüldüyünü bildirib. Molla Pənah Vaqif, Səməd Vurğun, Azadlıq, Zeynalabdin Tağıyev, Murtuz Carçıyev, Əminə Dilbazi, Molla Vəli Vidadi, Hüseyn Arif küçələrinə yeni asfalt vurulduğunu, Nəriman Nərimanov yaşayış massivində yerləşən 1,2,3,49 saylı, Heydər Əliyev prospektində yerləşən 61A,63,65 saylı, Azadlıq küçəsində yerləşən 92 saylı, Şəhidlər Xiyabanı küçəsində yerləşən 12,14,25,27 saylı çoxmənzilli yaşayış binalarının həyətində abadlıq işləri aparılaraq"Abad məhəllə” kimi sakinlərə təqdim olunduğunu diqqətə çatdırıb.

Rayon rəhbəri hazırda rayonda su-kanalizasiya sisteminin çəkilişi başa çatan daha bir küçədə - Məmməd Əmin Rəsulzadə küçəsində də asfaltlama işlərinin aparıldığını, Əliağa Şıxlinski küçəsində su-kanalizasiya sisteminin çəkilişi yekunlaşan kimi burada da yeni asfalt vurulacağını qeyd edib. Rayon rəhbəri Heydər Əliyev prospektində, Azadlıq və Zeynalabdin Tağıyev küçələrində səkilərə yeni tamet döşəndiyini də bildirib.

İcra başçısı istər su-kanalizasiya sisteminin yenidən qurulması zamanı tikinti-quraşdırma işlərinin layihə üzrə düzgün aparılmasına, istərsə də aparılan abadlıq işlərinin kefiyyətinə daim nəzarət olunduğunu da vurğulayıb.

Məmməd Əmin Rəsulzadə küçəsi

Millət vəkili Səməd Seyidov yeni asfalt vurulan Səməd Vurğun, Məmməd Əmin Rəsulzadə, səkilərə tamet döşənən Azadlıq küçələrində, eləcə də Bağanıs Ayrım kəndindən məcburi köçkün olan sakinlərin yaşadığı Ş.Xiyabanı 27 ünvanında olub, burada yaşayan sakinlərlə səmimi söhbət edib. Vətəndaşların ölkə başçısının diqqət və qayğısı sayəsində rayonda aparılan abadlıq və quruculuq işlərini yüksək qiymətləndirmələrini, dövlətdən və ölkə başçısından razılıq etmələrini könül xoşluğu ilə qarşılayıb. Bağanıs Ayrım kənd sakinlərindən Bəhlul Poladov, Etibar Adigözəlov yaşadıqları binada aparılan təmir işlərindən söz açaraq görülən işləri yüksək qiymətləndirdiklərini bildiriblər. Rayonda görülən bütün işlərə görə ölkə başçısı İlham Əliyevə minnətdarlıqlarını dilə gətiriblər. Yeni asfalt döşənmiş M.Ə.Rəsulzadə küçəsində yaşayan sakinlər də minnətdarlıq dolu ürək sözlərini çatdırıblar. Millət vəkili ilə səmimi söhbət edən sakinlər bu gün Azərbaycanda vətəndaş amilinin ön planda dayanmasını vurğulayıblar. Bu gün onlarla olan bu səmimi söhbəti, millət vəkili kimi sakinləri narahat edən məsələlərlə maraqlanmasını vətəndaşlara göstərilən qayğının bariz nümunəsi kimi qeyd ediblər. Millət vəkilinin imkan daxilində olsa belə mütəmadi olaraq sakinlərin arasında olmasını, Qazaxda baş verən proseslərlə, görülmüş işlərlə yaxından tanış olmasını yüksək qiymətləndirən sakinlər minnətdarlıq ediblər.

Millət vəkili Səməd Seyidov şəhərin mərkəzində torpaqlarımızın ərazi bütövlüyü uğrunda canından keçmiş Vətən oğullarının xatirəsini əbədiləşdirən Şəhidlər xiyabanında da olub, şəhdilərimizin əziz xatirəsini dərin ehtiramla yad edib. Cənab Prezident, Ali Baş Komandan İlham Əliyevin rəhbərliyi altında Azərbaycan Ordusunun qələbə qazanacağı günün və bütün şəhidlərimizin ruhunun rahatlıq tapacağı günün uzaqda olmadığını bir daha vurğulayıb.

Səməd Vurğun küçəsi

Məmməd Əmin Rəsulzadə küçəsi

Azadlıq küçəsi

Şəhidlər Xiyabanı 25 saylı bina

 Şəhidlər Xiyabanı 27 saylı bina

 Şəhidlər Xiyabanı 

 Yeni tamet vurulan Heydər Əliyev prospekti

Yeni tamet vurulan Zeynalabdin Tağıyev küçəsi

Bakı küçəsi

GOYEZEN.AZ