Kosalar kənd 1 saylı körpələr evi-uşaq bağçasının dam örtüyü vurulur
Ölkə başçısının körpə fidanlara olan qayğısını əldə
rəhbər tutan Qazax Rayon İcra Hakimiyyətinin başçısı Rəcəb Babaşov fəaliyyətə
başladığı ilk gündən bu sahəni diqqət mərkəzində saxlayır. Rayon rəhbərinin uşaqlara
olan sonsuz sevgisi, qayğısı sayəsində bu gün Qazaxda mövcud olan 25 körpələr
evi-uşaq bağçasından (6-sı şəhər, 19-u kənd üzrə) 20-nin müasir tələblərə cavab
verən səviyyəyə çatdırılması bu dediklərimizin əyani sübutudur. Təqdirəlayiq hal isə odur ki, bağçaların tikintisi,
eləcə də əsaslı şəkildə təmir olunması istiqamətində görülən işlər hər il
olduğu kimi, bu il də uğurla davam etdirilir. Kosalar kənd sakinləri üçün bu il daha da əlamətdardır.
Ona görə ki, bu il kənddə Heydər Əliyev Fondu tərəfindən Xalq yazıçısı İsmayıl
Şıxlının adını daşıyan 1176 şagird yerlik Kosalar kənd tam orta məktəbi yüksək
səviyyədə yenidən qurulub. Hazırda isə kənddə təmirə ehtiyacı olan üçüncü bağçada
- 35 yerlik Kosalar kənd 1 saylı körpələr evi-uşaq
bağçasında əsaslı təmir və yenidənqurma işləri
aparılır. Rayon rəhbərliyi tərəfindən əsaslı şəkildə yenidən
qurulan bağçanın artıq dam örtüyü vurulur. Yaxın günlərdə də suvaq və digər
işlərə start veriləcək. Bağça müdiri Şəfaqət Musayeva uzun illərdir ki, təmir olunmayan
bağçanın yenidən qurulmasını tərbiyəçilərin, valideynlərin, eləcə də uşaqların bu
gün də böyük sevinc hissi ilə qarşıladıqlarını qeyd edir. Bağçanın təmir
olunmasına görə rəhbərlik etdiyi kollektiv, eləcə də valideynlər adından ölkə
başçısı İlham Əliyevə və rayon rəhbərliyinə dərin minnətdarlığını bildirir. GOYEZEN.AZ
Bu gün tam əminliklə söyləyə bilərik ki, cənab
Prezident İlham Əliyevin və Birinci vitse-prezident Mehriban Əliyevanın
ölkəmizdə uşaq və yeniyetmələrə, gənclərə göstərdikləri
yüksək dövlət qayğısı Qazaxda da hiss olunmaqdadır. Son illər dövlət başçısının
diqqət və qayğısı sayəsində rayonda körpələrin
daha yaxşı şəraitdə tərbiyə və təhsil almaları üçün həyata keçirilən tədbirlər,
görülən işlər bunu deməyə əsas verir. İldən-ilə tikilən yeni məktəblərin,
inşa olunan körpələr evi-uşaq bağçalarının sayının artması da həmin diqqət və
qayğının bariz nümunəsidir.
Facebook-da paylaş