Qazaxda icra başçısı Böyük Vətən Müharibəsi iştirakçılarını və uzunömürlü sakinləri bu dəfə də unutmadı
113 yaşlı Kəmərli kənd
sakini Səyalı Nəbiyeva Koronavirus (COVID-19) pandemiyası ilə əlaqədar ölkəmizdə tətbiq
olunan xüsusi karantin rejiminin tələbləri nəzərə alınmaqla, Qazax Rayon İcra Hakimiyyəti və "Qazax” Xeyriyyə İctimai Birliyinin üzvləri tərəfindən aztəminatlı ailələrə dəstək olmaq məqsədilə Qazaxda "Biz
birlikdə güclüyük!” devizi altında başlanılan
xeyriyyə kampaniyası davam etdirilir. Ölkə Prezidenti cənab İlham Əliyevin "Biz birlikdə
güclüyük!” çağırışı əsasında dövlət tərəfindən həyata keçirilən tədbirlərə
dəstək məqsədilə reallaşan aksiya gündən-günə
daha geniş miqyas alır. Əsas məqsədi karantin rejimi dövründə
aztəminatlı ailələrə, qayğıya ehtiyacı olan insanlara dəstək olmaq, bu
təşəbbüsə qoşulmaq istəyən şəxsləri bir araya gətirmək və bu işdə vətəndaş
həmrəyliyini genişləndirmək olan bu aksiya cəmiyyət tərəfindən də böyük
rəğbətlə qarşılanır. Fəaliyyətə başladığı ilk gündən Qazaxda vətəndaş
amilini daim ön plana çəkən Qazax Rayon İcra
Hakimiyyətinin başçısı Rəcəb Babaşov rayonda yaşayan Böyük Vətən
Müharibəsi (BVM) iştirakçılarını və ömrünün ahıl çağlarını yaşayan uzunömürlü
sakinləri də daim diqqətdə saxlayır. Bütün əlamətdar günlərdə, əziz bayramlarda
onların hər zaman yad olunması artıq bir ənənə halını alıb. Hər zaman olduğu kimi, onlar bu dəfə də
unudulmadı. Rayon rəhbərliyinin tapşırığına əsasən Qazax Rayon İcra Hakimiyyəti başçısının birinci
müavini Məmməd Alıyev, müavin Gulaya Həsənova, aparatda İctimai-siyasi və humanitar məsələlər
şöbəsində baş məsləhətçi Gülnar Quluyeva şəhərdə, eləcə də rayonun Kəmərli, Aşağı
Salahı, Daş Salahlı, Çaylı, Aslanbəyli kəndlərində
yaşayan BVM iştirakçılarının və həmin yaşlı insanların evlərində qonaq olub,
onlara baş çəkib, rayon rəhbərinin səmimi ürək sözlərini çatdırıblar. İcra
başçısının rayonda ömrünün ahıl çağlarını yaşayan insanlara və BVM
iştirakçılarına olan səmimi münasibətindən, göstərdiyi qayğıdan danışıb,
onların həmişə olduğu kimi, bundan sonra da daim diqqət mərkəzində saxlanılacaqlarını
bildiriblər. "Gənc Könüllülər”in iştirakı ilə baş tutan ziyarət
zamanı 3
nəfər BVM iştirakçısına və 11 nəfər uzunömürlü sakinə ərzaq məhsullarından ibarət sovqatlar
paylanılıb. Həmçinin, Rayon Mərkəzi Xəstəxanasının həkimləri tərəfindən
səhhətləri yoxlanılıb, lazımi qulluq göstərilib. Qonaqları səmimi qarşılayan Kəmərli kənd
sakinləri 113 yaşlı Səyalı Nəbiyeva, 108 yaşlı Leyli İskəndərova, Aşağı Salahlı
kənd sakinləri 108 yaşlı Səkinə Mirzəyeva, 100 yaşlı Qəndəf Hacıyeva, Daş
Salahlı kənd sakinləri 104 yaşlı Lilpar Həsənova, 100 yaşlı Səyalı
Alisgəndərova, 100 yaşlı Hava Rəhimova, 100 yaşlı Validə Vəliyeva, Çaylı kənd
sakini 104 yaşlı Qaratel Bənnayeva, Aslanbəyli kənd sakini 102 yaşlı Xalsa
İbrahimova və ailə üzvləri razılıqlarını bildiriblər. Onlara göstərilən dövlət
qayğısına görə ölkə başçısı İlham Əliyevə, Birinci vitse-prezident Mehriban
xanım Əliyevaya sonsuz minnətdarlıqlarını
çatdırıblar. Qeyd
ediblər ki, ömrünün ahıl çağlarını yaşayan bizim kimi insanları axtarmağınız,
bizimlə yaxından maraqlanmağınız, diqqət və qayğı göstərməyiniz bizi çox
sevindirir. Dövlətin qayğısını rayon rəhbərliyi tərəfindən hər zaman hiss
edirik ki, bugünkü ziyarət də bunun daha bir əyani sübutudur. BVM iştirakçılarından 95 yaşlı şəhər sakini Xanqulu
Süleymanov, 99 yaşlı Aşağı Əskipara kənd sakini Hümbət Alıyev və 95 yaşlı Daş
Salahlı kənd sakini Abbas Şərifov da onlara göstərilən qayğıya görə razılıq
ediblər. Dövlət
başçısının "Biz birlikdə güclüyük!” çağırışını ağsaqqal kimi yüksək qiymətləndirdiklərini
vurğulayıblar. Dövlət tərəfindən hər cür qayğı ilə əhatə olunduqlarını qeyd edən
BVM iştirakçıları bugünkü görüşü də həmin qayğının davamı kimi qiymətləndiriblər. Ümumiyyətlə, bu günə kimi, təkcə
Qazaxda müxtəlif təbəqədən olan 5 mindən artıq ailəyə dəstək
olunması bir daha onu göstərir ki, dövlət və ölkə rəhbəri, eləcə də onun ətrafında
sıx birləşən insanlar hər bir ölkə vətəndaşının yanındadır. Dövlət başçısının
"Biz birlikdə güclüyük!” çağırışına dəstək olanların sıralarının genişlənməsi
yenə də ölkəmizdəki birliyi, həmrəyliyi nümayiş etdirir. Daş Salahlı kəndi 100 yaşlı Daş Salahlı kənd sakini Səyalı Alisgəndərova Kəmərli kəndi 108 yaşlı Aşağı Salahlı kənd sakini Səkinə Mirzəyeva 100 yaşlı Aşağı Salahlı kənd sakini Qəndəf Hacıyeva 104 yaşlı Çaylı kənd sakini Qaratel Bənnayeva
102 yaşlı Aslanbəyli kənd sakini Xalsa İbrahimova
95 yaşlı Böyük Vətən Müharibəsi iştirakçısı, şəhər
sakini Xanqulu Süleymanov
99 yaşlı Böyük Vətən Müharibəsi iştirakçısı, Aşağı
Əskipara kənd sakini Hümbət Alıyev
GOYEZEN.AZ
95 yaşlı Böyük
Vətən Müharibəsi iştirakçısı, Daş Salahlı kənd sakini Abbas Şərifov
Facebook-da paylaş