Azərbaycan Dövlət Bədən Tərbiyəsi və İdman Akademiyası Qazaxda 100-dən artıq məcburi köçkün ailəsinə dəstək olub
Ölkə Prezidenti cənab İlham
Əliyevin "Biz birlikdə güclüyük!” çağırışına əsasən koronavirus (COVID-19) pandemiyası dövründə xüsusi karantin
rejiminin tətbiq olunması ilə əlaqədar aztəminatlı ailələrə, qayğıya ehtiyacı
olan vətəndaşlara dəstək olmaq məqsədilə həyata keçirilən xeyriyyə aksiyası
Qazaxda da davam etdirilir. Qazaxda Rayon İcra Hakimiyyətinin
təşəbbüsü ilə başlanılan bu aksiyaya Azərbaycan
Dövlət Bədən Tərbiyəsi və İdman Akademiyası da qoşulub. Özündə
birliyi, həmrəyliyi, dövlət qayğısını əks etdirən bu xeyirxah aksiya çərçivəsində
ADBTİA-sı Qazaxda 114 məcburi köçkün ailəsinə
dəstək olub. Bu gün "Gənc Könüllülər” və
aidiyyatı şəxslər tərəfindən məcburi köçkün ailələrinə ərzaq məhsulları çatdırılıb. Məcburi köçkün ailələri ölkə
başçısının çağırışına səs verərək bu çətin günlərdə onlara dəstək olan ADBTİA-nın rektoru Fuad Hacıyevə minnətdarlıqlarını
bildiriblər. GOYEZEN.AZ
Facebook-da paylaş