İcra başçısı Ulu Öndərin adını daşıyan Heydər Əliyev parkında yaradılmış süni göldəki mövcud vəziyyətlə maraqlanıb
Qazaxda bir müqəddəs ünvan
var: Heydər Əliyev parkı. 1998-ci ildə Ümummilli Liderin anadan olmasının 75
illik yubileyi münasibətilə şəhərin mərkəzində salınmış bu park bu gün də öz gözəlliyi ilə insanları valeh edir.
Gözəl və əlverişli bir coğrafi ərazidə yerləşən bu istirahət mərkəzində ilk
növbədə Ulu Öndər Heydər Əliyevin əzəmətli və möhtəşəm heykəli diqqəti cəlb
edir. Parkın ərazisində 2008-ci ildə inşa edilmiş Heydər Əliyev Mərkəzi isə nəinki
rayon sakinlərinin, eləcə də Qazaxa gələn hər bir qonağın sevə-sevə ziyarət
etdiyi müqəddəs bir məkandır. Ümummilli Liderin həyat və fəaliyyətini özündə əks
etdirən mərkəzdə planetarium fəaliyyət göstərir ki, bu da hər kəsin böyük
marağına səbəb olur.
Parka gələn hər bir insan uca
sərv ağaclar ilə əhatələnmiş böyük bir yaşıllıq qoynuna düşür. Ağstafa çayının
sağ sahilində salınmış 4 hektar ərazini əhatə edən parkın gözəl təbiət mənzərəsi,
bir o qədər sahədə yaradılmış süni göl isə bura xüsusi gözəllik verir. Rayon rəhbərliyi
bütün sahələrdə olduğu kimi, dahi şəxsiyyətin adını daşıyan bu parkda olan səliqə-sahmanı,
sakinlərin rahatlığı üçün yaradılan şəraiti hər zaman diqqət mərkəzində
saxlayır. Xüsusilə də son vaxtlar süni göldə suyun səviyyəsinin aşağı olması ilə
bağlı yaranmış mövcud vəziyyətin aradan qaldırılması sahəsində təqdirəlayiq işlər
görülür. Belə ki, süni göldə suyun səviyyəsinin yuxarı olması və gölün əvvəlki
vəziyyətinin bərpa olunması üçün xüsusi bəndin yaradılması bunun əyani
sübutudur.
Bu gün Qazax Rayon İcra
Hakimiyyətinin başçısı Rəcəb Babaşov Ulu Öndər adını daşıyan həmin parkda olub,
burada yaradılmış birinci süni göldəki mövcud vəziyyətlə maraqlanıb. Süni göldə
su axının qarşısını almaq məqsədilə yaradılmış bəndə baxış keçirib. Rayon rəhbəri
aidiyyəti şəxslərlə birlikdə göldə görüləcək işləri bir daha müzakirə edib.
Bundan əlavə, göldə təmizlik işlərinin aparılmasını, daim nəzarətdə
saxlanılmasını qeyd edib və bununla bağlı aidiyyəti üzrə tapşırıq verib. İcra
başçısı nəinki göldə, eləcə də bütün park ərazisində səliqə-sahman
yaradılmasını, insanların asudə vaxtlarını təmiz bir məkanda keçirmələri üçün təmizlik
işlərinə hər zaman xüsusi önəm verilməsini diqqətə çatdırıb.
GOYEZEN.AZ
Facebook-da paylaş