Qazaxda kənd təsərrüfatında uçotun dürüstləşdirilməsi və şəffaflaşdırılması ilə bağlı iclas keçirilib
Ötən yazımızda Qazaxda
ölkəmizin qərb bölgəsində yerləşən rayonların icra hakimiyyətlərinin rəhbər
vəzifəli şəxslərinin, Kənd Təsərrüfatı Nazirliyinin, Dövlət Aqrar İnkişaf
Mərkəzlərinin əməkdaşlarının, Vergilər Nazirliyinin, Əmək və Əhalinin Sosial
Müdafiəsi Nazirliyinin, Dövlət Statistika Komitəsinin, Əmlak Məsələləri Dövlət
Komitəsinin yerli qurumlarının, qəsəbə, kənd icra nümayəndəliklərinin və
bələdiyyələrin rəhbərlərinin iştirakı ilə kənd təsərrüfatı sahəsində uçotun
dürüstləşdirilməsi və şəffaflaşdırılması işlərinin təşkili məsələlərinə həsr
olunmuş zona müşavirəsinin keçirilməsi barədə məlumat vermişdik. Bu gün həmin müşavirədə
səslənən fikirlər, qeyd olunan məsələlər, verilən tapşırıqlarla əlaqədar
növbəti iclas keçirilib. Qazax Rayon İcra Hakimiyyətinin akt zalında keçirilən
iclasda icra aparatının məsul şəxsləri, Prezident
Administrasiyasının məsul işçisi Orxan Mürsəlov, Vergilər Nazirliyinin 14 saylı Ərazi Vergilər
İdarəsinin, Rayon Statistika İdarəsinin, Məşğulluq Mərkəzinin, ƏƏSMN yanında
Dövlət Sosial Müdafiə Fondunun Qazax rayon şöbəsinin, Qazax Dövlət Aqrar
İnkişaf Mərkəzinin rəhbərləri və əməkdaşları, RİHB-nin kənd İƏD üzrə
nümayəndələri və bələdiyyə sədrləri iştirak ediblər.
Qazax Rayon İcra
Hakmiyyətinin başçısı Rəcəb Babaşov iclası giriş sözü ilə açaraq istər ötən
həftə keçirilən müşavirənin, istərsə də bugünkü iclasın məqsəd və əhəmiyyətini
bir daha vurğulayıb. İcra başçısı qeyd edib ki, müşavirədə də səsləndiyi kimi
məqsəd kənd təsərrüfatı məhsulları ilə məşğul olan vergi ödəyicilərinin düzgün
uçotunun aparılmasıdır. Hər hansı bir sahibkara, təsərrüfat adamına süni maneə
yaratmaq, verginin artırılması və ya azaldılması deyil, sadəcə kənd
təsərrüfatında pay torpaq sahələrinin düzgün uçotunu aparmaqdır. Rayon rəhbəri
bildirib ki, aidiyyatı dövlət qurumları və bələdiyyələrlə birlikdə görüləcək
işlərin məqsədi kənd təsərrüfatı sahəsində mövcud olan real vəziyyəti düzgün
əks etdirən uçotun qurulmasını təmin etməkdir. İcra başçısı müşavirədə
qeyd olunan məsələlərin, səslənən fikirlərin məsuliyyətini dərk edərək kənd
təsərrüfatı sahəsində uçotun dürüstləşdirilməsi və şəffaflaşdırılması işlərinin
təşkili məsələlərinə xüsusi həssaslıqla yanaşılmalı olduğunu, qeyd olunan məsələnin
əsl mahiyyətini vətəndaşlara, kənd təsərrüfatı ilə məşğul olan insanlara olduğu
kimi çatdırılmasını bildirib və bununla bağlı aidiyyatı şəxslərə tapşırıqlar
verib. Kənd təsərrüfatı sahəsində uçotun dürüstləşdirilməsi və
şəffaflaşdırılması işlərinin qısa bir vaxtda – növbəti ayın 20-ə kimi
yekunlaşdırılmasını qeyd edib. Digər sahələrdə olduğu kimi bu sahədə olan
işlərin də müvəffəqiyyətlə başa vurulması üçün təhkim olunmuş hər bir şəxsin
gördüyü işin məsuliyyətini dərk etməsini, məsələyə xüsusi həssaslıqla
yanaşmasını bir daha diqqətə çatdırıb.
Vergilər Nazirliyinin 14
saylı Ərazi Vergilər İdarəsinin rəisi Səməd Vəliyev idarənin nəzarət dairəsinə
aid olan rayonlar arasında Qazaxın hər zaman seçildiyini, rayonda qeyd olunan
məsələyə xüsusi həssaslıqla yanaşıldığını bildirib və bugünkü iclası bu sahədə
görülən işlərin əyani sübutu kimi qiymətləndirib. 14 saylı Ərazi Vergilər
İdarəsi olaraq kənd təsərrüfatında uçotun dürüstləşdirilməsi və şəffaflaşdırılması
ilə bağlı görülən işlər zamanı qarşıya çıxan sualları hər zaman cavablandırmağa
hazır olduqlarını qeyd edib. Sonda iclas iştirakçılarını maraqlandıran suallar
cavablandırılıb.
GOYEZEN.AZ
Facebook-da paylaş