İcra başçısı H.Əliyev prospektində yerləşən 175 və 171 saylı binalarda görülən son tamamlanma işləri ilə tanış olub
Heydər Əliyev
prospekti 175 saylı bina Bu gün ölkə başçısı İlham Əliyevin
diqqət və qayğısı sayəsində özünün inkişaf dövrünü yaşayan Qazaxda bütün
sahələrlə yanaşı, vətəndaşların yaşayış şəraitinin yaxşılaşdırılması
istiqamətində də məqsədyönlü işlər görülür. Son 3 ildə respublika prezidentinin
imzaladığı çoxsaylı sərəncamlara əsasən rayonda mövcud olan 163 çoxmənzilli
yaşayış binasından 100-dən çoxunun təmir olunaraq sakinlərin istifadəsinə
verilməsi bu istiqamətdə görülən işlərin əyani sübutudur. Ötən yazılarımızda da
məlumat verdiyimiz kimi, artıq şəhərin mərkəzində yerləşən bir neçə binada
aparılan təmir işləri yekunlaşmaq üzrədir. Bu gün Qazax Rayon İcra
Hakimiyyətinin başçısı Rəcəb Babaşov şəhərin Heydər Əliyev prospektində
yerləşən 175 və 171 saylı binalarda olub, görülən son tamamlanma işləri ilə
maraqlanıb. Rayon rəhbəri işlərin sürətləndirilməsini bildirib və bəzi tapşırıqlarını
verib. Məlumat üçün bildirək ki, prospektdə
yerləşən daha iki - 179, 173 saylı, Bakı küçəsi 1 və Ələddin Qədirov küçəsi
2,3,4 saylı, Azadlıq küçəsi 107 saylı binalarda da işlər başa çatmaq üzrədir. Bundan əlavə, Azadlıq küçəsində
yerləşən 206A saylı binanın qarşısında sakinlərin istəyi nəzərə alınaraq
xeyir-şər evi tikilib. Azadlıq küçəsində yerləşən 31,32,33 saylı binaların da
dam örtükləri dəyişdirilib. Heydər Əliyev prospekti 175 saylı bina Heydər Əliyev prospekti 171 saylı bina GOYEZEN.AZ
Facebook-da paylaş