Çoxmənzilli binalarda son tamamlanma işləri görülür
Son illər Respublika Prezidenti İlham Əliyev tərəfindən Azərbaycanda regionların
sosial-iqtisadi inkişafına dair Dövlət proqramları çərçivəsində görülən işlər,
eləcə də bütün sahələr üzrə olan sürətli inkişaf hər kəsə yaxşı məlumdur. Bu
gün hər bir ölkə vətəndaşı yaxşı bilir ki, bu illər ərzində əldə olunmuş göstəricilər
özlüyündə regionların və bütövlükdə ölkənin necə böyük inkişaf yolu keçdiyini
tam aydın şəkildə göstərir. Ən önəmlisi də odur ki, Azərbaycanda bütün sahələrdə
olan inkişaf paytaxtla yanaşı, respublikamızın bütün bölgələrini də əhatə edir.
Bu gün elə bir şəhər, rayon, qəsəbə, kənd tapılmaz ki, orada inkişaf, yenilik olmasın. Ölkə başçısı İlham Əliyevin
diqqət və qayğısı sayəsində günü-gündən inkişaf edən, özünün intibah dövrünü
yaşayan rayonlardan biri də Qazax rayonudur. Son 3 il ərzində rayonda aparılan
abadlıq və quruculuq işləri, eləcə də digər sahələrdə olan inkişaf bu
söylədiklərimizin əyani sübutudur. Sevindirici haldır ki, bu gün
böyük bir tikinti meydançasını xatırladan Qazaxda bütün sahələrlə yanaşı,
çoxmənzilli yaşayış binalarının təmirinə də xüsusi önəm verilir. Ölkə
başçısının imzaladığı çoxsaylı sərəncamlara əsasən rayonda mövcud olan 163
çoxmənzilli yaşayış binasından artıq 100-dən çoxunun təmir olunaraq sakinlərin
istifadəsinə verilməsi bu istiqamətdə görülən əməli işlərdir. Əvvəlki illərdə olduğu
kimi, bu il də çoxmənzilli binaların təmirinə böyük sürətlə start verilib. Ötən
yazılarımızda da xəbər veridyimiz kimi, artıq şəhərin mərkəzində yerləşən bir
neçə binada aparılan təmir işləri yekunlaşmaq üzrədir. Bu gün Qazax Rayon İcra
Hakimiyyətinin başçısı Rəcəb Babaşov şəhərin Heydər Əliyev prospektində
yerləşən 179, 175, 173, 171 saylı, Bakı küçəsi 1 və Ələddin Qədirov küçəsində
yerləşən 2,3,4 saylı binalarda olub, görülən son tamamlanma işləri ilə maraqlanıb. Məlumat üçün qeyd edək ki,
hazırda Azadlıq küçəsi 107 saylı binada da işlər başa çatmaq üzrədir. Bundan
əlavə, Azadlıq küçəsində yerləşən 206A saylı binanın qarşısında isə sakinlərin
istəyi nəzərə alınaraq xeyir-şər evi tikilib. Azadlıq küçəsində yerləşən
31,32,33 saylı binaların da dam örtükləri dəyişdirilib. Görülən işlərlə tanış olan
rayon rəhbəri işlərin sürətləndirilməsini bildirib və bəzi tapşırıqlarını
verib. Yaşadıqları binaların təmir
olunmasını razılıq hissi ilə qarşılayan sakinlər son illər respublikamızda,
eləcə də Qazaxda aparılan abadlıq və quruculuq işlərinə görə dövlət başçısı
İlham Əliyevə minnətdarlıqlarını bildiriblər. Yaşayış şəraitlərinin yüksək səviyyəyə
çatdırılmasını ölkədə vətəndaş amilinə verilən ən böyük dəyər kimi
qiymətləndiriblər. GOYEZEN.AZHeydər Əliyev prospekti 179 saylı bina
Heydər Əliyev prospekti 179 saylı bina
Heydər Əliyev prospekti 175 saylı bina
Heydər Əliyev prospekti 173 saylı bina
Heydər Əliyev prospekti 171 saylı bina
Ə.Qədirov küçəsi 2,3,4 saylı binalar
Facebook-da paylaş