6 saylı körpələr evi-uşaq bağçasında son tamamlanma işləri görülür
Uşaqların hüquqlarının qorunması, onların layiqli
vətəndaş kimi formalaşdırılması hər bir dövlətin siyasətinin başlıca istiqamətlərindən
birini təşkil edir. Bu gün sevindirici haldır ki, ulu öndər Heydər Əliyevin
uşaqlara olan qayğısı ölkəmizdə əsas istiqamət kimi müəyyənləşdirilir,
uşaqların təhsilinə, dünyagörüşlərinin formalaşdırılmasına və sağlamlıqlarının qorunmasına
diqqət artırılır. Ölkə prezidenti İlham Əliyev tərəfindən dövlət uşaq
siyasətinin uğurla davam etdirilməsi, uşaq problemlərinin həllinə yönəlmiş
çoxsaylı dövlət proqramlarının qəbul edilməsi, hər bir sahədə geniş vüsət almış
quruculuq işlərinin uşaqların təhsilinə və intellektual inkişafına yönəldilməsi
bu sahənin daim diqqət mərkəzində olmasından xəbər verir. Bu gün
respublika prezidenti İlham Əliyevin regionlarda
uşaq bağçalarının tikintisi ilə bağlı imzalanan 12 fevral 2018-ci il tarixli
Sərəncamı Qazaxda da uğurla icra olunur. Rayonda aparılan genişmiqyaslı
tikinti-quruculuq işlərinin siyahısında bağçaların tikintisinin və yaxud da əsaslı
şəkildə yenidən qurulmasının geniş vüsət alması bu söylədiklərimizin əyani
sübutudur. Qazax Rayon
İcra Hakimiyyətinin başçısı Rəcəb Babaşovun rəhbər kimi təyin olunduğu ilk
gündən daim diqqət mərkəzində saxladığı sahələrdən biri də məhz gələcəyimiz
olan uşaqlardır. Rayon rəhbərinin son
iki il yarım ərzində uşaq bağçalarının əsaslı
şəkildə yenidən qurulması ilə bağlı verdiyi tapşırıq və tövsiyələr körpə
fidanların yaxşı şəraitdə təlim-tərbiyə almaları istiqamətində görülən
məqsədyönlü işlərdir. İcra başçısının
uşaqlara ayırdığı sonsuz diqqət və qayğının nəticəsidir ki, bu gün Qazax
rayonunda olan 25 bağçadan 16-sı müasir
standartlara cavab verən səviyyədədir. Rayonda olan təmirli şəhər
bağçalarından 1,2,3,4,5 saylı, kənd bağçalarından Qazaxbəyli kəndi ərazisində
məcburi köçkünlər üçün salınmış yeni qəsəbədə yerləşən Aşağı Əskipara, Daş
Salahlı kənd 2 və 3 saylı, Kosalar kənd 2 və 3 saylı, Xanlıqlar kənd körpələr
evi-uşaq bağçaları, Cəfərli, Canalı, Quşçu Ayrım və Bala Cəfərli kənd uşaq
bağçaları, İkinci Şıxlı kənd 2 saylı körpələr evi-uşaq bağçası bu istiqamətdə
görülən işlərdir. Sevindirici
haldır ki, tələbata cavab verməyən bağça binalarının əsaslı şəkildə təmir
olunaraq yenidən qurulması, müasir inventar və avadanlıqlarla təchiz
edilməsi ötən il olduğu kimi, bu il də uğurla davam etdirilir. Şəhərin
mərkəzində yerləşən və yararsız vəziyyətdə fəaliyyət göstərən 6 saylı körpələr
evi-uşaq bağçasının əsaslı şəkildə yenidən qurulması bunu bir daha sübut edir. 4
aydan artıqdır ki, təmirlə bağlı olaraq bağça binası boşaldılıb və uşaqlar
başqa ünvana yerləşdirilib. İcra başçısı Rəcəb Babaşov tikinti başlayan ilk gündən mütəmadi olaraq
bağçada olur, öz tapşırıq və tövsiyələrini verir. Rayon rəhbəri bu gün növbəti dəfə əsaslı şəkildə yenidən qurulan həmin
bağçada görülən son tamamlanma işləri ilə tanış olub. İş icraçısı Lətif Həsənov rayon rəhbərliyinə görülən
işlər barədə məlumat verərək bildirib ki, binanın daxilində və həyətində abadlıq
işləri aparılır. Həyətə tamet döşənib, bağça binasının ön hissəsində və
kənarlarında hasar çəkilməsi və suvaq işi başa çatıb. Hazırda binanın arxa
hissəsində hasar çəkilməsinə başlanılıb. Binanın xarici
fasadında rənglənmə işləri görülür. Eyni zamanda, bağçanın həyətində gözətçi
otağı tikilib ki, burada da əsas işlər görülüb. Hörgü və suvaq işi başa çatıb,
qapı və pəncərə qoyulub, tavana alçipan vurulub, döşəməyə tamet döşənib, üzlük
vurulması işi başa çatıb. İş icraçısı
qeyd edib ki, binanın dam örtüyü, xarici fasadında suvağın vurulması, bütün
otaqlarda döşəmədə lazım olan hissələrə beton tökülməsi, tavanlara
alçipanların, divarlara alt hissənin və ikinci qat üzlüyün vurulması işləri
yüksək keyfiyyətlə yerinə yetirilib. Bundan başqa, otaqlara müasir standartlara
cavab verən qapı və pəncərələr qoyulub. İstilik sisteminin və elektrik
xətlərinin çəkilməsi isə yekunlaşmaq üzrədir. Görülən işlərlə
tanış olan rayon rəhbəri işlərin sürətlə və keyfiyyətlə aparılmasını bildirib. GOYEZEN.AZ
Facebook-da paylaş