Qazaxda “Ekoloji problemlərin həlli yolları” adlı sərgi keçirilib
Bu gün gənc rəssam Akif
Əmirovun təşəbbüsü və Qazax Uşaq-Gənclər İnkişaf Mərkəzinin təşkilatçılığı ilə
"Ekoloji problemlərin həlli yolları” adlı sərgi keçirilib. Sərgidə
Akif Əmirovun tərtibatı ilə Qazax Uşaq–Gənclər İnkişaf Mərkəzinin dərnək
üzvlərinin 20 rəsm əsəri və 70 əl işi sərgilənib. Bundan əlavə, sərgidə fauna
və flora guşələri nümayiş olunub.Qazax Dövlət Rəsm Qalereyasında baş tutan
sərgidə Qazax Rayon İcra Hakimiyyətinin başçısı Rəcəb Babaşov, aparatın məsul
işçiləri, Uşaq–Gənclər İnkişaf Mərkəzinin müəllimləri və dərnək üzvləri,
rayonda fəaliyyət göstərən ali təhsil müəssisələrinin müəllim və tələbələri,
təhsil, səhiyyə, mədəniyyət sahəsində çalışan işçilər, gənclər, KİV
nümayəndələri iştirak ediblər. Əvvəlcə
rayon rəhbəri və sərgi iştirakçıları nümayiş olunan əl işləri, rəsm əsərləri
ilə tanış olublar.
Qazax
Rayon İcra Hakimiyyətinin başçısı Rəcəb Babaşov tədbirdə çıxış
edərək sərgi iştirakçılarını salamlayıb, keçirilən sərginin əhəmiyyətindən söz
açıb. Qeyd edib ki, bu gün respublikamızda olduğu kimi, Qazaxda da bütün
sahələrə, o cümlədən də təhsil və mədəniyyət sahələrinə daim diqqət və qayğı
göstərilir. "Ölkəmizi
tanıyaq” layihəsində qazaxlı məktəblilərin qələbə sevincindən söz açan icra
başçısı Azərbaycan İntellektual Klublar Assosiasiyası tərəfindən təşkil olunmuş
"Nə?, harada?, nə zaman?” adlı intellekt yarışmasından şagirdlərin qalib
kimi qayıtmasının bütün Qazax təhsilinin uğuru olduğunu bildirib. 9 rayon
arasında keçirilən bilik yarışında öz bilik və bacarıqlarını, ən əsası da
Qazaxın ziyalılar yurdu olduğunu bir daha nümayiş etdirən məktəblilərin bu
qələbəsini yüksək qiymətləndirən rayon rəhbəri təhsilə olan qayğının təzahürü
olduğunu çatdırıb. Hər rayon üzrə 6 komanda olmaqla, ümumilikdə 54 komandanın
iştirak etdiyi yarışda rayonumuzun "Göyəzən” komandasının 1-ci yeri
qazanaraq Assosiasiya tərəfindən Kuboka, Sertifikata və medallara layiq
görülməsini, bundan əlavə, məktəblilərin "Asan həyat" kompleksindəki
"İntellektual mərkəz"də "Breyn Rinq" yarışmasından da qalib
kimi dönmələrini təhsil sahəsinə göstərilən qayğının, diqqətin öz bəhrəsini
verdiyini qeyd edib. Bildirib ki, bu qələbənin qazanılmasında noyabr
ayının 10-da Qazax Rayon İcra Hakimiyyətinin təşkilatçılığı ilə hazırlanmış
”Rayonumuzu tanıyaq”devizi altında təşkil olunmuş turun da böyük
əhəmiyyəti olub. Rayon
rəhbəri qazanılan bu uğuru dövlət başçısı İlham Əliyevin Qazax Müəllimlər
Seminariyasının 100 illik yubileyinin qeyd olunması ilə bağlı imzaladığı 3
noyabr 2018-ci il tarxli Sərəncamına əsl töhfə olduğunu bildirib. İcra başçısı
qeyd edib ki, bu qələbə bir daha onu sübut etdi ki, Qazax hər zaman ziyalılar,
tarixi şəxsiyyətlər yurdu olub və bu, bundan sonra da belə olacaqdır. Təkcə
Qazax Müəllimlər Seminariyası onu deməyə əsas verir ki, rayonda savadlı gənclər
ordusu yetişir, bilikli gənclərimizin sayı gündən-günə artır.
İcra
başçısı bildirib ki, bu gün respublikamızda, eləcə də bölgələrimizdə təhsilə
dövlət səviyyəsində göstərilən diqqət və qayğının daha bir bariz nümunəsi
"Yeniləşən Azərbaycana yeni məktəb” layihəsinin uğurla icra edilməsidir.
Rayon rəhbəri hazırda rayonumuzda əsaslı şəkildə yenidən qurulan 964 şagird
yerlik S.Vurğun adına şəhər 2 nömrəli tam orta məktəbdə görülən işləri bu
qayğının əyani sübutu kimi qiymətləndirib. Bundan əlavə, növbəti tədris ilində
rayonda daha 3 məktəbin – Kosalar, Qaymaqlı və Kəmərli kənd məktəblərinin də
əsaslı şəkildə yenidən qurulmasının nəzərdə tutulduğunu bildirib. Rayon
rəhbəri vurğulayıb ki, dövlətimizin, ölkə başçısının təhsil sahəsinə
göstərdikləri diqqət və qayğının nəticəsidir ki, bu sahə gündən-günə inkişaf
edir, qazanılan uğurları, əldə edilən nailiyyətləri ilə seçilir. Sevindirici
haldır ki, dövlət tərəfindən göstərilən bu qayğını yüksək dəyərləndirən qazaxlı
məktəblilər öz uğurları ilə ölkə təhsilinə töhfə verirlər. Bu il qəbul
imtahanlarının nəticələrinə görə Qazaxın respublika məktəbləri arasında 3-cü
yerdə dayanması bütün bu dediklərimizin əyani sübutudur. Rayon
rəhbəri mədəniyyətimizin bir qolu olan rəssamlıq sahəsinə də xüsusi qayğı ilə
yanaşıldığını qeyd edib. Rəssamlıq sənəti ilə məşğul olan insanların, xüsusilə
də gənclərin bu sahəyə olan marağını artırmaq və istedadlarını inkişaf etdirmək
üçün onlara hərtərəfli dəstək göstərildiyini çatdırıb. Qeyd edib ki, bu
dəstəyin nəticəsidir ki, bu gün Qazaxda yüksək səviyyəli sərgilər keçirilir,
tədbirlər təşkil olunur. Rayon rəhbəri bildirib ki,
ekoloji problemlərin həlli hazırda dünyada ən aktual mövzularındandır. Sürətli
iqtisadi, elmi-texniki inkişaf dünyada ekoloji problemlərin yaranmasına gətirib
çıxarmışdır. Azərbaycanda ətraf mühitin qorunması daim diqqət mərkəzindədir.
2010-cu ilin ölkəmizdə "Ekologiya ili” elan olunması bunun bariz
nümunəsidir. Ekoloji problemlərin həllində ictimaiyyətin iştirakı da vacibdir.
Bunun üçün insanlar maarifləndirilməlidir. Gələcəyimizi qorumaq üçün
ekologiyaya xüsusi diqqət yetirməliyik – deyən icra başçısı bu baxımdan
məktəblilərin təşkil etdiyi "Ekoloji problemlərin həlli yolları” adlı
sərginin olduqca böyük əhəmiyyət kəsb etdiyini qeyd edib. Bildirib ki, bu
gün bu sərginin təşkili bir daha onu sübut etdi ki, əgər bir işə nə qədər can
yandırarsınızsa, bəhrəsi də o qədər yüksək olar. Bugünkü sərgidə bunu bir daha
izlədik. Bu cür layihələrin, sərgilərin davamlı olaraq keçirilməsinin vacib
məsələ olduğunu bildirən rayon rəhbəri bu yolda məktəblilərə, dərnək üzvlərinə,
əməyi keçən müəllimlərə uğurlar arzulayıb. Gənc rəssam Akif
Əmirov çıxış edərək keçirilən sərginin məqsəd və əhəmiyyətindən danışıb. Qeyd
edib ki, tədbirin məqsədi real ekoloji vəziyyəti gənclərin, xüsusilə də
məktəblilərin gözü ilə qiymətləndirmək və bu sahənin məktəblilər tərəfindən
daha çox araşdırılmasına nail olmaqdır. Gənc rəssam Qazaxda təşkil olunan bütün
sərgilərin yüksək səviyyədə təşkil olunmasına, onlara göstərilən diqqətə,
qayğıya və sərgidə iştirak etdiyinə görə Rayon İcra Hakimiyyətinin başçısı
Rəcəb Babaşova sərgi iştirakçıları, gənc rəssamlar, xüsusilə də mərkəzin dərnək
üzvləri adından dərin minnətdarlığını bildirib. Qazax Uşaq-Gənclər İnkişaf
Mərkəzinin direktoru Gövhər Rəhimova çıxış edərək bildirib ki, sərginin
məqsədi məktəblilərin ekoloji sahəyə maraqlarının artırılması, onların bu
mövzuda maarifləndirilməsi, yaradıcılıq potensiallarının dəstəklənməsi və
sosial təşəbbüskarlıqlarının stimullaşdırılmasıdır. Mərkəz olaraq gördükləri
işlərdən söz açan G.Rəhimova dərnək üzvlərinin Gəncədə keçirilən müsabiqədə də
7 rayon üzrə birinci yeri tutduqlarını bildirib. Qeyd edib ki, bizim mərkəzin
dərnək üzvləri ətraf mühitin qorunması istiqamətində öz töhfələrini verməkdə
davam edir. Bu sərgidən də əvvəl Qazaxın girişində Təyyarə Abidə Kompleksinin
ətrafında da 21 ədəd həmişəyaşıl şam ağacı əkdiklərini, həmçinin, Bakı-Qazax
magistral avtomobil yolunun hər iki tərəfində 90 nəfər məktəblinin və 37 nəfər
dərnək rəhbərinin iştirakı ilə təmizlik işləri apardıqlarını bildirib. Bugünkü
sərginin də gördükləri işlərin davamı olduğunu vurğulayıb. Ətraf mühitin
müdafiəsi sahəsində gənc rəssamların, xüsusilə də məktəblilərin dünyagörüşünün
formalaşmasında bu cür tədbirlərin bundan sonra da mütəmadi olaraq təşkil
ediləcəyini qeyd edib. Sərginin təşkil olunmasında göstərdiyi dəstəyə görə
rayon rəhbərliyinə və əməyi keçən insanlara rəhbərlik etdiyi kollektiv adından
dərin minnətdarlığını bildirib. Rayon İcra Hakimiyyətinin
başçısı Rəcəb Babaşov çıxış edərək
sərginin yüksək səviyyədə təşkil olunmasına görə əməyi keçən insanları bir daha
təbrik edib və davamlı olmasını arzulayıb. GOYEZEN.AZ
Facebook-da paylaş