Aprelin 20-də "Qazax Gənclər evi” sosial xidmət müəssisəsinin təşkilatçılığı ilə Qazax rayon Şahin Cəbiyev adına Daş Salahlı kənd 2 nömrəli tam orta məktəbin 6b sinif şagirdləri arasında döyüş yoldaşları tərəfindən "Əjdaha” ləqəbi verilən, bu gün doğum günü olan Vətən müharibəsi şəhidi leytenant Yaqubov Mayis Rəhim oğlunun əziz xatirəsinə həsr olunmuş intellektual yarış keçirilib.

Yarışda 24 nəfər şagird iştirak edib.

Yarışı Qazax Gənclər Evinin dərnək rəhbəri Aytən Vəlizadə açaraq Mayis Yaqubovun adını daşıyan sinifin şagirdlərini salamlayıb, şəhidimiz haqqında ətraflı məlumat verib.

Qəhrəman şəhidimizin əziz xatirəsi bir dəqiqəlik sükutla yad edilib.

Qalib olmuş "Merkuri” komandasının üzvləri - Vəlizadə Gülər Şəadət qızına, Osmanlı Svetlana Rüfət qızına, Osmanlı Fərid İbrahim oğluna, Orucov Mehralı Nəriman oğluna hədiyyə və diplom təqdim olunub.

GOYEZEN.AZ