Bu dəfə rayonun Birinci Şıxlı kəndində yaşayan gənclərlə görüş keçirilib
Aprelin 19-da Qazax Rayon Gənclər və İdman İdarəsi tərəfindən rayonun Birinci Şıxlı
kəndində yaşayan gənclərlə görüş keçirilib. Tədbiri Qazax
Rayon Gənclər və İdman İdarəsinin
rəisi Vüqar Nəbiyev açaraq iştirakçıları
salamlayıb, görüşün məqsəd və
əhəmiyyətindən danışıb. Bildirib ki, əsası Ulu Öndər Heydər Əliyev tərəfindən
qoyulmuş dövlət gənclər siyasəti ölkə Prezidenti İlham Əliyev və Birinci
vitse-prezident Mehriban Əliyeva tərəfindən bu gün də uğurla davam etdirilir. Azərbaycanın
ilbəil artan iqtisadi qüdrəti gənclərin fiziki, intellektual və mənəvi
inkişafının təmin olunması, sosial problemlərinin həlli, təşəbbüslərinin
dəstəklənməsi, bilik və bacarıqlarının üzə çıxarılması istiqamətində
irimiqyaslı proqram və layihələr reallaşdırmağa imkan verir. Respublikamızda
eləcə də rayonumuzda gənclərin inkişafına xidmət
edən layihələrin həyata keçirilməsi, kəndlərdə yaşayan gənclərin, dövlətin
müvafiq istiqamətlər üzrə siyasətinin mahiyyəti barədə məlumatlandırılması,
onların inkişafına və sosiallaşmasına sistemli dəstəyin göstərilməsi yeniliklər
etməyi bacaran gənclər üçün şərait və imkanların yaradılması diqqət
mərkəzindədir. Daha
sonra "Qazax Gənclər evi” sosial xidmət müəssisəsinin direktoru Vüsal
Hüseynov çıxış edərək Gənclər evində fəaliyyət göstərən, kurslar, klublar, dərnəklər və fəaliyyət istiqamətləri
ilə bağlı məlumat verib. Sonda Qazax
Rayon Gənclər və İdman İdarəsinin
könüllüləri Röyal Əmiraslanov və Zamin Cəfərzadə çıxış edərək könüllük
fəaliyyətləri ərzində əldə etdikləri uğur və nailiyyətlərdən
danışıb, gəncləri
könüllülük fəaliyyətinə qoşulmağa
dəvət ediblər.
GOYEZEN.AZ
Facebook-da paylaş