Martın 17-də Qazax Rayon Gənclər və İdman İdarəsi tərəfindən Bakı Dövlət Universitetinin Qazax filialında və Qazax Dövlət Sosial-İqtisadi Kollecində "Səndə könüllü ol” başlığı altında tələbələrlə görüş keçirilib.

Görüşdə Qazax Rayon Gənclər və İdman İdarəsinin rəis müavini Sahib Namazov, Qazax Dövlət Sosial-İqtisadi Kollecinin Monitorinq və Qiymətləndirmə Şöbəsinin müdiri, Tələbə Gənclər Təşkilatının sədri Elvira Əfəndiyeva çıxış edərək könüllülük fəaliyyətinin gənclərin fərdi inkişafına təkan verdiyini, onlarda sosial məsuliyyət hissini artırdığını vurğulayıblar. Könüllülük fəaliyyətinin insansevərliyin, vətənsevərliyin, əməksevərliyin, mənəvi dəyərlərin daşıyıcısı olduğunu qeyd ediblər.

Hər iki görüşdə sonda tələbələri maraqlandıran suallar cavablandırılıb.

GOYEZEN.AZ