"Təmiz nəfəs, sağlam həyat" layihəsinin növbəti görüşü keçirilib
"Təmiz nəfəs, sağlam
həyat" layihəsinin növbəti görüşü keçirilib. Ailə, Qadın və Uşaq Problemləri üzrə Dövlət
Komitəsinin (AQUPDK) və Gənclərin İnkişaf və Karyera Mərkəzinin Qazax,
Qobustan, Qax, İsmayıllı, Siyəzən və Bərdə nümayəndəliklərinin birgə təşkilatçılığı
keçirilən görüş "Narkomaniya - əsrin bəlası" mövzusuna həsr
olunub. Onlayn tədbirdə Daxili
İşlər Nazirliyinin Baş Narkotiklə Mübarizə İdarəsinin əməkdaşı Nadir Məmmədov, komitənin
əməkdaşları Hafiz Namazov, Tural Hacıyev, eləcə də Narkomanlığa və Narkotik
Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının
Milli İnformasiya sektorunun müdiri Raqif Allahverdiyev mövzu üzrə çıxış
ediblər. Müzakirələrdə
narkomaniyanın sosial şəbəkələr və digər vasitələrlə geniş şəkildə təbliğ
edilməsindən, "ağ ölüm"ün yaratdığı fəsadlardan danışılıb. Bu tip
halların qarşısının alınması və gəncləri bu bəladan uzaqlaşdırmaq üçün
görüləcək tədbirlər barədə məlumat verilib. Sonda gəncləri
maraqlandıran suallar cavablandırılıb.
GOYEZEN.AZ
Facebook-da paylaş