Qazax məktəbliləri arasında “Azadlığa gedən yolun zirvəsi” başlığı altında onlayn inşa müsabiqəsi keçirilib
20 Yanvar ölkəmizin tarixində təkcə faciə deyil, Azərbaycanın
istiqlal yolunun ilk zirvəsi, milli məfkurəmizin azadlıq istəyinin oyanış
günüdür. Bu, uzun illər sovet imperiyasının əsarətində yaşayan xalqın azadlıq səsini
ucaltdığı, öz suverenliyi uğrunda cəsarət nümayiş etdirdiyi şərəfli bir
tarixdir. 20 Yanvar faciəsinin 31-ci ildönümü respublikamızın
hər yerində olduğu kimi, Qazaxda da müxtəlif tədbirlərlə qeyd olunub. "Qazax Gənclər evi” sosial xidmət müəssisəsi tərəfindən
məktəblilər arasında "Azadlığa gedən yolun zirvəsi” başlığı altında onlayn inşa müsabiqəsi keçirilib. 16-19.01.2021-ci il tarixlərində 20 Yanvar faciəsinin
31-ci ildönümünə həsr olunmuş onlayn inşa müsabiqəsində 16 nəfər məktəbli
iştirak edib. Bu gün "Qazax Gənclər evi” sosial xidmət müəssisəsi
tərəfindən müsabiqə qalibləri diplomla təltif ediliblər. Qazax rayon Elşən Cəfərov adına Çaylı kənd 2 nömrəli
tam orta məktəbin 11-ci sinif şagirdi İsmayılova Aysun Ceyhun qızı I yerə, Qazax
rayon Şahnabat Nəsibova adına Sarıvəlli kənd tam orta məktəbin 10-cu sinif
şagirdi Qocayeva Lamiyyə Nail qızı II yerə, Qazax şəhər Səməd Vurğun adına 2 nömrəli
tam orta məktəbin 10-cu sinif şagirdi Nəbiyeva Lalə Dadaş qızı isə III yerə
layiq görülüblər. Qazax Gənclər Evinin direktoru
Vüsal Hüseynov qalibləri təbrik edərək xalqımızın şərəf və qürur tarixi
olan 20 Yanvar faciəsinin dünya ictimaiyyətinə çatdırılmasında bundan sonra da
böyük səylə çalışmalarını tövsiyə edib, bu yolda onlara uğurlar arzulayıb. GOYEZEN.AZ
Facebook-da paylaş