Azərbaycan Gənclərinin IX Forumunun Gəncə-Qazax bölgəsi üzrə zona toplantısı keçirilib
Dekabrın 10-da Gəncə Şəhər Gənclər və İdman Baş İdarəsinin
təşkilatçılığı ilə "Biz birlikdə güclüyük!” devizi altında onlayn formatda Azərbaycan
Gənclərinin IX Forumunun Gəncə-Qazax bölgəsi üzrə zona toplantısı keçirilib. Əvvəlcə Azərbaycan Respublikasının Dövlət Himni
səsləndirilib. Vətən müharibəsində canlarından keçmiş şəhidlərimizin əziz
xatirəsi bir dəqiqəlik sükutla yad edilib. Toplantını giriş sözü ilə Gəncə Şəhər Gənclər və
İdman Baş İdarəsinin rəisi Həmid Nəsirov açaraq toplantının gündəliyi barədə
məlumat verib. Zona toplantısında Azərbaycan Respublikasının
Gənclər və İdman nazirinin müavini İntiqam Babayev, Gənclər Fondunun
nümayəndəsi Orxan Ərəbov, Milli Məclisin deputatları Müşfiq Cəfərov və Naqif
Həmzəyev çıxış edərək ölkəmizdə gənclərlə bağlı dövlət siyasətinin əsas
istiqamətlərindən, Azərbaycan gənclərinin cəmiyyətin inkişafındakı rolundan
danışıblar. Toplantıda işrirak edən fəal gənc Ülvi Zeynalov mövzu ətrafında çıxış edərək qazaxlı
gənclər adından onlara göstərilən dövlət qayğısına görə ölkə Prezidenti İlham
Əliyevə və Birinci vitse-prezident Mehriban Əliyevaya minnətdarlığını bildirib. Toplantıda bölgənin gənclər təşkilatlarının
rəhbərləri, fəal gənclər çıxış edərək gənclərin vətənpərvərlik tərbiyəsində
yeni mərhələ, işğaldan azad olunan torpaqlarımıza böyük qayıdışda gənclərimizin
vəzifələri, onların sağlamlığı və digər məsələlərlə bağlı fikirlərini bildirib,
gələcəkdə gənclər siyasətinin həyata keçirilməsinə dair təkliflərini səsləndiriblər. Sonda Azərbaycan Gənclərinin IX Forumunun
Respublika toplantısına rayonumuzdan 10 nəfər gənc və Qazax Rayon Gənclər və İdman
İdarəsinin rəisi Vüqar Nəbiyev seçilib.
GOYEZEN.AZ
Facebook-da paylaş