Bu gün Qazax Gənclərin İnkişaf və Karyera Mərkəzinin İntellektual Oyunlar Klubunun təşkilatçılığı ilə gənclər arasında "Nə? Harada? Nə zaman?" intellektual oyunu üzrə turnir keçirilib.

Qazax Gənclər Mərkəzində reallaşan yarışda 17 komandanın heyətində 85 gənc iştirak edib.

Turnirin yekun nəticələrinə görə müstəqil "Panteon" komandası I yeri tutub. Bakı Dövlət Universitetinin Qazax filialının "Hermes" kollektivi II pillədə qərarlaşıb. Müstəqil "Volfram" komandası isə III yerə layiq görülüb.

Qalib və mükafatçılar Qazax GİKM tərəfindən diplomlarla təltif olunublar.

GOYEZEN.AZ