Qazaxlı gənclər arasında "Erudit-Kvartet" oyunu üzrə ilk rayon birinciliyi keçirilib
Qazax Gənclərin İnkişaf və Karyera Mərkəzinin
İntellektual Oyunlar Klubunun təşkilatçılığı ilə "Erudit-Kvartet"
oyunu üzrə ilk rayon birinciliyi keçirilib. Qazax Gənclər Mərkəzində keçirilən yarışda orta
ümumtəhsil məktəbləri, Bakı Dövlət Universiteti Qazax filialının və Qazax
Dövlət Sosial-İqtisadi Kollecindən olmaqla, ümumilikdə 23 komanda 6 qrup üzrə
mübarizə aparıb. 7 saat ərzində
gərgin mübarizə şəraitində keçən yarışın nəticələrinə görə, müstəqil
"Wolfram" komandası I yerə, müstəqil
"Stronsium-1" komandası II yerə və Qazax şəhər İ.Qayıbov adına 3
saylı tam orta məktəbin "Spartak" komandası III yerə layiq görülüblər. Qalib və
mükafata layiq yerlər tutmuş komandalar, eləcə də komanda üzvləri müvafiq
diplomlarla təltif olunublar.
Facebook-da paylaş